അഭിമാനം ആകാശത്തോളം


ലോകത്തിനു മുന്നില്‍ ഇന്ത്യയുടെ യശസ്സുയര്‍ത്തി ഹൈദരാബാദ് വിമാനത്താവളം

ലോകത്തിനു മുന്നില്‍ ഇന്ത്യയുടെ യശസ്സുയര്‍ത്തി ഹൈദരാബാദ് വിമാനത്താവളം. എയര്‍പോര്‍ട്‌സ് കൗണ്‍സില്‍ ഇന്റര്‍നാഷണലിന്റെ റാങ്കിംഗില്‍ ആണ് ഹൈദരാബാദ് വിമാനത്താവളം ഒന്നാമതെത്തിയത്.

യാത്രക്കാര്‍ക്കു നല്‍കുന്ന സേവനങ്ങളുടെ ഗുണനിലവാരം അടിസ്ഥാനമാക്കിയ റാങ്കിംഗിലാണ് ലോകത്തെ മറ്റുവിമാനത്താവളങ്ങളെയെല്ലാം ഹൈദരാബാദ് രാജീവ് ഗാന്ധി ഇന്റര്‍നാഷണല്‍ എയര്‍പോര്‍ട്ട് പിന്നിലാക്കിയത്. പ്രതിവര്‍ഷം 50 ലക്ഷം മുതല്‍ 1.5 കോടി വരെ യാത്രക്കാര്‍ എത്തുന്ന വിമാനത്താവളങ്ങളുടെ വിഭാഗത്തിലാണ് ഹൈദാരാബാദ് ഒന്നാമതെത്തിയത്. 2009ല്‍ ഹൈദരാബാദ് വിമാനത്താവളത്തിലെ സേവന ഗുണമേന്മയക്ക് ലഭിച്ച സ്‌കോര്‍ 4.4 ആയിരുന്നു.


2016 ആയപ്പോഴേക്കും ഈ സ്‌കോര്‍ 4.6 ആയി ഉയര്‍ത്താന്‍ കഴിഞ്ഞു

സുരക്ഷ പരിശോധനയുടെയും, ബാഗേജ് പരിശോധനയുടെയും പേരില്‍ യാത്രക്കാരെ ബുദ്ധിമുട്ടിക്കുന്നതൊഴിവാക്കുന്നതടക്കം നിരവധി ആധുനിക സൗകര്യങ്ങള്‍ വിമാനത്താവളത്തില്‍ ഏര്‍പ്പെടുത്തിയിരുന്നു. വിമാനത്താവളത്തില്‍ യാത്രക്കാര്‍ക്കുണ്ടാകുന്ന സമയനഷ്ടം പരമാവധി കുറയ്ക്കുന്നതിന് മുന്‍തൂക്കം നല്‍കിയതും റാങ്കിംഗില്‍ ഒന്നാമതെത്താന്‍ സഹായിച്ചു.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Hyderabad Rajiv Gandhi International Airport bags award.