പ്ലാസ്റ്റിക് മല ഒഴുകുന്നു....കടലില്‍


കരോളിന്‍ പവര്‍ എന്ന അമേരിക്കന്‍ ഫൊട്ടോഗ്രാഫറാണ് ഈ ദൃശ്യങ്ങള്‍ പകര്‍ത്തിയത്.



പ്രകൃതിയെ നശിപ്പിക്കുന്നതില്‍ മനുഷ്യനോളം പങ്കുവഹിക്കുന്ന മറ്റൊരു ജീവി ഭൂമിയിലില്ലെന്ന് വീണ്ടും തെളിയിച്ച കരീബിയന്‍ കടലിലെ പ്ലാസ്റ്റിക് .കരീബിയന്‍ കടലില്‍ നിന്ന് ഒരു ഫൊട്ടോഗ്രാഫര്‍ പകര്‍ത്തിയ പ്ലാസ്റ്റിക് കൂമ്പാരത്തിന്റെ ദൃശ്യങ്ങള്‍ ഞെട്ടിക്കുന്നതാണ്. പല വലിപ്പത്തിലും പല രൂപത്തിലുമുള്ള പ്ലാസ്റ്റിക്കുകള്‍ ഒഴുകി നടക്കുകയാണവിടെ. റൊവാട്ടന്‍, കായോസ് കൊക്കിനോസ് എന്നീ ദ്വീപുകള്‍ക്കു സമീപമാണ് വന്‍ പ്ലാസ്റ്റിക് ശേഖരം കാണാനാകുക.ദക്ഷിണ അമേരിക്കന്‍ രാജ്യമായ ഹോണ്ടുറസിന്റെ കീഴില്‍ പെട്ടവയാണ് ഈ ദ്വീപുകള്‍. കരോളിന്‍ പവര്‍ എന്ന അമേരിക്കന്‍ ഫൊട്ടോഗ്രാഫറാണ് ഈ ദൃശ്യങ്ങള്‍ പകര്‍ത്തിയത്. തിരക്കേറിയ കപ്പല്‍ പാതയ്ക്കു സമീപമാണ് ദ്വീപ് സ്ഥിതി ചെയ്യുന്നതെന്ന് ഈ ഒറ്റ കാരണം കൊണ്ടു മാത്രം പ്രദേശത്തേക്ക് അടിഞ്ഞുകൂടിയതാണ് ഈ വന്‍ പ്ലാസ്റ്റിക് മാലിന്യ കൂമ്പാരം.കടലില്‍ ഒഴുകി നടക്കുന്ന നിലയിലാണ് ഈ മാലിന്യം കാണപ്പെടുന്നത്. ഇക്കാരണത്താല്‍ തന്നെ ഇതു നീക്കം ചെയ്യുക ഏറെ ചിലവേറിയ പ്രക്രിയയാണ്. ചിലവു കൂടുതലാണെന്നതിനാല്‍ തന്നെ കടിലേക്കെത്തുന്ന പ്ലാസ്റ്റിക് മാലിന്യം നീക്കം ചെയ്യാന്‍ ഒരു രാജ്യവും തയ്യാറാകാറില്ല.കരീബിയന്‍ ദ്വീപിനു ചുറ്റും പലയിടത്തായി ഇത്തരം വലിയ പ്ലാസ്റ്റിക് മാലിന്യ കൂമ്പാരങ്ങളുണ്ടെന്ന് പരിസ്ഥിതി പ്രവര്‍ത്തകരും പറയുന്നു. സമുദ്രജീവികളിലേക്കു വ്യാപകമായ തോതില്‍ പ്ലാസ്റ്റിക്കെത്താനും അവയുടെ കൂട്ടമരണത്തിനു കാരണമാകാനും ഈ മാലിന്യ കൂമ്പാരത്തിനു കഴിയുമെന്നതാണ് ഞെട്ടിക്കുന്ന യാഥാര്‍ത്ഥ്യം.
Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Caribbean ocean are choked by plastic.