80കാരനെ പരിചരിക്കാന്‍ 98കാരി അമ്മ...!!!

സ്വന്തം മകനെ കാണാനും പരിചരിക്കാനുമായി കെയര്‍ ഹോമിലെത്തിയ 98 കാരി അമ്മ

ഒരു നേരംപോലും മകനെ കാണാതിരിക്കാന്‍ കഴിയില്ലെന്ന സത്യം മനസിലാക്കിയപ്പോഴാണ് 98കാരിയായ അമ്മ 80കാരനായ മകനെ തേടിയെത്തിയത്. ലിവര്‍ പൂളിലെ മോസ് വ്യൂ കെയര്‍ ഹോമിലാണ് മകന്‍ ടോമും അമ്മ അഡ കേറ്റിങും ഇപ്പോള്‍ താമസിക്കുന്നത്.അഡ-ഹാരി ദമ്പതികള്‍ക്ക് നാലു മക്കളായിരുന്നു, അവരില്‍ മൂത്ത പുത്രനാണ് ടോം. ജാനറ്റ്, ബാര്‍ബറ, മാര്‍ഗി എന്നിവരാണ് മറ്റു മക്കള്‍. ടോം തന്റെ ജീവിതം മുഴുവന്‍ അമ്മയെ പരിചരിക്കുന്നതിന് വേണ്ടി
മാറ്റിവയ്ക്കുകയായിരുന്നു. പെയ്ന്റിങ് ജോലി ചെയ്തിരുന്ന ടോമിന് ചില ആരോഗ്യ പ്രശ്‌നങ്ങള്‍ വന്നപ്പോള്‍ പരിചരിക്കാനുള്ള ബുദ്ധിമുട്ട് കാരണം ബന്ധുക്കളാണ് കെയര്‍ഹോമിലെത്തിച്ചത്.
ടോം കെയര്‍ഹോമില്‍ എത്തിയതോടെ അമ്മ വല്ലാതെ ഒറ്റപ്പെട്ടു. പരസ്പരം ഒരു നിമിഷംപോലും പിരിഞ്ഞിരിക്കാന്‍ കഴിയില്ലെന്ന് ബോധ്യപ്പെട്ട അമ്മ മകനെ തേടി കെയര്‍ ഹോമില്‍ എത്തി. മകനെ പരിചരിക്കാന്‍ അമ്മയും കെയര്‍ഹോമില്‍ തങ്ങാന്‍ തീരുമാനിച്ചു. മകന്റെ മുറയിലെത്തി ഗുഡ്‌മോണിങ് പറഞ്ഞാണ് ഈ അമ്മ ദിവസമാരംഭിക്കുന്നത്. അതുപോലെ ഗുഡ്‌നൈറ്റ് പറഞ്ഞാലെ ഉറങ്ങാന്‍ പോവുകയുള്ളൂ.അമ്മയും മകനും ഒരുമിച്ച് കെയര്‍ഹോമില്‍ എത്തുന്നത് ഇതാദ്യമാണ്. ഇവരുടെ സ്‌നേഹം തങ്ങള്‍ക്കൊരു അത്ഭുതമാണെന്നാണ് ജീവനക്കാര്‍ പറയുന്നത്.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

98-year-old mother moves into retirement home to take care of 80-year-old son.