ട്രംപിന്റെ നഷ്ടക്കച്ചവടം

പ്രസിഡന്റായതോടെ ട്രംപിന്റെ വ്യവസായങ്ങള്‍ നഷ്ടത്തിലേക്ക്

ഫോബ്‌സ് പട്ടികയില്‍ യുഎസ് ധനികരില്‍ ട്രംപിന്റെ സ്ഥാനം ഇടിഞ്ഞു



ലോകത്തെ വന്‍കിട വ്യവാസികളിലൊരാളായ ഡോണാള്‍ഡ് ട്രംപ് ആ കുപ്പായം അഴിച്ചുവെച്ചാണ് അമേരിക്കന്‍ പ്രസിഡന്റ് പദവിയിലേക്ക് എത്തിയത്. എന്നാല്‍ ഇത് ട്രംപിന് നഷ്ടക്കച്ചവടമായെന്നാണ് കണക്കുകള്‍ സൂചിപ്പിക്കുന്നത്.


ലോകത്തിലെ ധനികരെ അവതരിപ്പിക്കുന്ന ഫോബ്‌സ് പട്ടികയില്‍ യുഎസ് ധനികരില്‍ ട്രംപിന്റെ സ്ഥാനം ഇടിഞ്ഞതാണ് കാരണം. കഴിഞ്ഞ തവണ സ്ഥാനം 156 ആയിരുന്നുവെങ്കില്‍ ഇത്തവണ 248ാം സ്ഥാനത്താണ്. കഴിഞ്ഞ വര്‍ഷം 370 കോടി ഡോളറായിരുന്നു (24,050 കോടി ഇന്ത്യന്‍ രൂപ) സ്വത്തെങ്കില്‍ ഇത്തവണ അത് 310 കോടി ഡോളറായി ( (20,150 കോടി രൂപ) കുറഞ്ഞു. തിരഞ്ഞെടുപ്പു പ്രചാരണകാലത്ത് തനിക്ക് ആയിരം കോടി ഡോളറിന്റെ (65,000 കോടി ഇന്ത്യന്‍ രൂപ) സ്വത്തുണ്ടെന്നായിരുന്നു ട്രംപിന്റെ അവകാശവാദം.

ഇതു ശരിയല്ലെന്നു ഫോബ്‌സിന്റെ മുന്‍വര്‍ഷത്തെ പട്ടികകളും തെളിയിക്കുന്നുണ്ട്.

Donald Trump drops 92 places in the Forbes rich list.