നോട്ടു വെളുപ്പിക്കാന്‍ വിദേശയാത്ര ?

നോട്ട് അസാധുവാക്കലിനു ശേഷം വിദേശത്ത് ചിലവഴിച്ചത് കോടികള്‍

മുന്‍വര്‍ഷങ്ങളേക്കാള്‍ 500 ശതമാനം വര്‍ദ്ധനയെന്ന് റിപ്പോര്‍ട്ട്

നോട്ടുനിരോധനത്തിന് ശേഷം രാജ്യത്തെ സമ്പന്നര്‍ വിദേശത്ത് ചിലവഴിച്ച തുകയില്‍ 500 ശതമാനം വര്‍ദ്ധനയെന്ന് റിപ്പോര്‍ട്ട്. മുന്‍വര്‍ഷങ്ങളിലെ കണക്കുകളെ അപഗ്രഥിച്ച് മണികണ്ട്രോള്‍ ആണ് റിപ്പോര്‍ട്ട് പുറത്തുവിട്ടിരിക്കുന്നത്.

നോട്ടുനിരോധനത്തിന് ശേഷമുള്ള മൂന്ന് മാസത്തില്‍ 500 ശതമാനത്തിലേറെ വര്‍ദ്ധനവ് ഉണ്ടായതായാണ് കണക്കുകള്‍ വ്യക്തമാക്കുന്നത്. 2016 നവംബറില്‍ 26.66 കോടി ഡോളറാണ് ഇന്ത്യക്കാര്‍ വിദേശത്ത് ചിലവിട്ടത്. തൊട്ടുമുമ്പത്തെ വര്‍ഷത്തെ അപേക്ഷിച്ച് 581 ശതമാനം വര്‍ദ്ധനവ്. നോട്ടുനിരോധനത്തെ മറികടക്കാന്‍ ഉയര്‍ന്ന സാമ്പത്തിക ശേഷിയുള്ളവരില്‍ ചിലര്‍ വെളിപ്പെടുത്താത്ത സ്വത്തുക്കള്‍ വിദേശത്ത് വിനിയോഗിച്ചതായാണ് നിഗമനം.

വിദേശത്ത് ചിവലഴിച്ച തുകയും വരുമാനവും തമ്മില്‍ ചേര്‍ച്ചയാകാത്തവരെ ആദായ നികുതി വിഭാഗം നിരീക്ഷിച്ചുവരികയാണെന്നാണ് വിവരം

For 3 Months After Note Ban, Indians Spent 500% More On Foreign Holidays.