'Capture-+'...ഫ്‌ളിപ്കാര്‍ട്ടിന്റെ ബില്യണ്‍ സ്വപ്നം

ബില്യണ്‍ എന്നുപേരായ ഈ ബ്രാന്‍ഡിന്റെ പുതിയതും ആദ്യത്തേതുമായ മോഡലാണ് ക്യാപ്ച്ചര്‍ പ്ലസ്

ഫ്ളിപ്‌കാര്‍ട്ടിന്റെ പുതിയ നീക്കമാണ് സ്വന്തമായി ഒരുനിര സ്മാര്‍ട്ട് ഫോണുകള്‍ ബ്രാന്‍ഡ് ചെയ്ത് വിപണനം ചെയ്യുക എന്നത്. ബില്യണ്‍ എന്നുപേരായ ഈ ബ്രാന്‍ഡിന്റെ പുതിയതും ആദ്യത്തേതുമായ മോഡലാണ് ക്യാപ്ച്ചര്‍ പ്ലസ്. ചൈനീസ് കമ്പനികളായ ഷവോമി, വിവോ, ഒപ്പോ, വാവെയ്, ജിയോണി എന്നിവര്‍ വിപണിയില്‍നിന്ന് പണം വാരുമ്പോള്‍ ഫ്ളിപ്‌കാര്‍ട്ട് പോലുള്ള ഇന്ത്യന്‍ കമ്പനി ഇങ്ങനെ ഒരു ഉദ്യമത്തിന് മുതിരുന്നത് തികച്ചും സ്വാഗതാര്‍ഹമാണ്.ക്വാല്‍ക്കോം സ്‌നാപ് ഡ്രാഗണ്‍ 625 പ്രൊസസ്സറും 3/4 ജിബി റാം വേരിയന്റുകളും ഈ മോഡലിന് ഉണ്ടാകും. 32/64 ജിബി എന്നിങ്ങനെയാകും ആന്തരിക സംഭരണ ശേഷി. 128 ജിബി വരെ സംഭരണ ശേഷി വര്‍ദ്ധിപ്പിക്കാം. 2.5 ഡി 5.5 ഇഞ്ച് സ്‌ക്രീനാണ് ഫോണിനുള്ളത്. വീണുടയുന്നത് തടയാന്‍ ഡ്രാഗണ്‍ ട്രെയ്ല്‍ ഗ്ലാസാണ് ക്യാപ്ച്ചറിനുള്ളത്. ഷവോമിയോട് സാമ്യം തോന്നിക്കുന്ന രീതിയില്‍ പിന്നിലാണ് ഫിംഗര്‍പ്രിന്റ് സെന്‍സര്‍. ഡ്യുവല്‍ ടോണ്‍ എല്‍ഇഡി ഫ്ളാഷ് ഇരുളില്‍ ചിത്രങ്ങള്‍ക്ക് മിഴിവേകും.ഫോണിന്റെ ഹൈലൈറ്റ് എന്ന് പറയാവുന്ന ഘടകം മോഡലിന്റെ പേര് സൂചിപ്പിക്കുന്നതുപോലെ ഫോട്ടോ എടുക്കാനുള്ള ശേഷിയാണ്. ഇരട്ട പിന്‍ ക്യാമറകളാണ് ഇക്കാര്യത്തില്‍ ഫോണിനെ സഹായിക്കുന്നത്. ഇരു ക്യാമറകള്‍ക്കും 13 മെഗാ പിക്‌സലാണ് ശേഷി. ഒരുക്യാമറ ആര്‍ജിബി സെന്‍സറും മറ്റേത് മോണോക്രോം സെന്‍സറും ഉപയോഗിക്കുന്നു. മികച്ച നിലവാരം തരുന്നുണ്ട് പിന്‍ ക്യാമറ. രണ്ടുതരത്തിലുള്ള സെന്‍സറുകളുപയോഗിച്ച് ബൊകെ എഫക്ടും മറ്റും നന്നായിത്തന്നെ ലഭ്യമാക്കുന്നുണ്ട്. എന്നാല്‍ മുന്‍ ക്യാമറ ഈ വിലനിലവാരത്തിലുള്ള മറ്റ് ഏത് ഫോണുകള്‍ പോലെയും ശരാശരിയാണ്. 8 മെഗാ പിക്‌സലാണ് മുന്‍ ക്യാമറ.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Flipkart Billion Capture+ Phone With Dual Rear Cameras Launched.