മജീദിനെ തേടിയെത്തിയ സൗഭാഗ്യം

ഭീകരവാദമുപേക്ഷിച്ച മജീദ് ഖാനെ പരിശീലിപ്പിക്കാന്‍ ബൈച്യുങ് ബൂട്ടിയ

ബൈച്യുങ് ബൂട്ടിയ ഫുട്‌ബോള്‍ സ്‌കൂളിലെ പരിശീലനത്തിലേക്ക് ക്ഷണം


മാതാവിന്റെ കണ്ണീരിനുമുന്നില്‍ ഭീകരവാദമുപേക്ഷിച്ച് സേനക്കുമുന്നില്‍ കീഴടങ്ങിയ മജീദ് ഖാനെ പരിശീലിപ്പിക്കാന്‍ സന്നദ്ധത അറിയിച്ച് ഇന്ത്യന്‍ ഫുട്ബാള്‍ മാന്ത്രികന്‍ ബൈച്യുങ് ബൂട്ടിയ. കശ്മീര്‍ താഴ്‌വരയില്‍ ഫുട്ബാള്‍ കളിച്ചുനടന്ന മജീദിെന്റ ഭീകരസംഘടനാ പ്രവേശനവും മടക്കവും സംബന്ധിച്ച വാര്‍ത്തകള്‍ പുറത്തുവന്നതിനെ തുടര്‍ന്നാണ് ഇന്ത്യന്‍ ഫുട്ബാള്‍ ടീം മുന്‍ ക്യാപ്റ്റന്‍ കൂടിയായ ബൂട്ടിയ പരിശീലകനാകാമെന്ന വാഗ്ദാനം ജമ്മു കശ്മീര്‍ ഫുട്ബാള്‍ അസോസിയേഷന്‍ പ്രസിഡന്റിനെ അറിയിച്ചത്. ഡല്‍ഹിയിലെ ബൈച്യുങ് ബൂട്ടിയ ഫുട്‌ബോള്‍ സ്‌കൂളിലെ പരിശീലനത്തില്‍ പെങ്കടുക്കാന്‍ മജീദിനെ അദ്ദേഹം ക്ഷണിച്ചിട്ടുണ്ട്. വാര്‍ത്ത തന്നെ സ്പര്‍ശിച്ചെന്നും എല്ലാ പ്രയാസങ്ങള്‍ക്കുമുള്ള സാന്ത്വനമാണ് ഫുട്ബാളെന്നും ബൂട്ടിയ പറഞ്ഞു. കശ്മീര്‍ താഴ്വരയിലെ ഫുട്ബാള്‍ മത്സരങ്ങളില്‍ പെങ്കടുത്ത് മികച്ച ഗോള്‍ കീപ്പറെന്ന കീര്‍ത്തി നേടിയ മജീദ് നവംബര്‍ ഒമ്പതിനാണ് ലശ്കറെ ത്വയ്യിബയില്‍ ചേര്‍ന്നത്.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Bhaichung Bhutia offers football training to reformed LeT militant Majid Khan.