ടൊയോട്ട സുസൂക്കി കാര്‍

ഇലക്ട്രിക് കാറുകള്‍ക്കായി ടൊയോട്ടയും, സുസൂക്കിയും കൈകോര്‍ക്കുന്നു

ടൊയോട്ടയില്‍ നിന്ന് സാങ്കേതിക സഹായം ലഭ്യമാക്കിയാകും നിര്‍മ്മാണം

ഇന്ത്യയില്‍ ഇലക്ട്രിക് കാറുകളുടെ നിര്‍മ്മാണത്തിനായി ടൊയോട്ടയും, സുസൂക്കിയും കൈകോര്‍ക്കുന്നു. 2020ഓടെ ഇലക്ട്രിക് കാര്‍ പുറത്തിറക്കാനാണ് നീക്കം. ടൊയോട്ടയില്‍ നിന്ന് സാങ്കേതിക സഹായം ലഭ്യമാക്കിയാകും സുസൂക്കി കാറുകളുടെ നിര്‍മ്മാണം ആരംഭിക്കുക. ഈ കാറുകള്‍ സുസൂക്കിയും, ടൊയോട്ടൊയും വിപണിയിലേക്ക് എത്തിക്കും. സംയുക്ത സംരംഭത്തിലൂടെ രാജ്യത്ത് വിവിധയിടങ്ങളില്‍ കാര്‍ ചാര്‍ജ്ജിങ് പോയിന്റുകള്‍ സ്ഥാപിക്കാനും മികച്ച വില്‍പ്പനാനന്തര സേവനം നല്‍കാനും ഇരു കമ്പനികള്‍ക്കുമാവും. കഴിഞ്ഞ ഫെബ്രുവരിയില്‍ ഇരു കമ്പനികളും സഹകരണത്തിനുള്ള കരാറില്‍ ഒപ്പുവെച്ചിരുന്നു. ഇതിന്റെ തുടര്‍ച്ചയെന്നോണമെന്നാണ് ഇലക്ട്രിക് കാറുകളുടെ നിര്‍മ്മാണം. 2030ഓടെ രാജ്യത്തെ എല്ലാ യാത്ര വാഹനങ്ങളും ഇലക്ട്രിക്കിലേക്ക് മാറണമെന്ന് കേന്ദ്രസര്‍ക്കാര്‍ നിശ്ചയിച്ചിരുന്നു.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Toyota, Suzuki sign pact to roll out electric cars in India.