യോഗിയുടെ പരിപാടിയില്‍ ബുര്‍ഖ വേണ്ട...!!!

ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ് പങ്കെടുത്ത സമ്മേളനത്തിനെത്തിയ മുസ്ലീം സ്ത്രീയുടെ പര്‍ദ്ദ പൊലീസ് അഴിപ്പിച്ചു

ഉത്തര്‍പ്രദേശിലെ ബാലിയ ജില്ലയിലാണ് സംഭവം.മുഖ്യമന്ത്രിയുടെ പരിപാടിയ്ക്കെത്തിയ ബിജെപി പ്രവര്‍ത്തക സൈറയുടെ പര്‍ദ്ദയാണ് പൊലീസ് ബലമായി അഴിപ്പിച്ചത്.യോഗി വേദിയിലെത്തുന്നതിന് അല്‍പസമയം മുന്‍പ് വനിത പൊലീസുമാര്‍ വന്ന് പര്‍ദ്ദ അഴിച്ചുമാറ്റാന്‍ നിര്‍ദേശിക്കുകയായിരുന്നു. പര്‍ദ്ദ അഴിച്ചുമാറ്റിയ സൈറയോട് അത് ബാഗില്‍ സൂക്ഷിക്കാനും പൊലീസ് പറയുന്നുണ്ട്. സമീപത്തുണ്ടായിരുന്നു മാധ്യമപ്രവര്‍ത്തകര്‍ ഇതിന്റെ വീഡിയോ ദൃശ്യങ്ങള്‍ പകര്‍ത്തിയതാണ് വിവാദത്തിനിടയാക്കിയത്.കറുപ്പ് നിറത്തിന് പരിപാടി നടക്കുന്ന സ്ഥലത്ത് നിരോധനം നിലനിന്നിരുന്നു.അതിനാലാണ് ബുര്‍ഖ അഴിച്ചുമാറ്റാന്‍ പൊലീസ് ആവശ്യപ്പെട്ടതെന്്‌ന സൈറ അറിയിച്ചു.ആരെയും നിര്‍ബന്ധിച്ച് പര്‍ദ്ദ അഴിച്ചുമാറ്റിയതായി ശ്രദ്ദയില്‍പ്പെട്ടില്ലെന്നും പൊലീസ് മേധാവി പ്രതികരിച്ചു.കഴിഞ്ഞ ദിവസം മീററ്റില്‍ നടന്ന പരിപാടിയ്ക്കിടെ യോഗി ആദിത്യനാഥിനെ ഒരാള്‍ കരിങ്കൊടി കാണിച്ചിരുന്നു. തുടര്‍ന്ന് ബിജെപി പ്രവര്‍ത്തകര്‍ ഇയാളെ ക്രൂരമായി മര്‍ദിക്കുകയും സംഭവം വലിയ വിവാദമാവുകയും ചെയ്തിരുന്നു.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

At Yogi Adityanath's Rally, Cops Make Woman Remove Burqa.