അഭിഭാഷകര്‍ വാങ്ങുന്ന ഫീസിന് നിയന്ത്രണം കൊണ്ടുവരാന്‍ നിയമനിര്‍മ്മാണം നടത്തണമെന്ന് സുപ്രീംകോടതി കേന്ദ്രസര്‍ക്കാരിനോട് ആവശ്യപ്പെട്ടു. അഭിഭാഷകര്‍ കൂടിയ ഫീസ് ആവശ്യപ്പെടുമ്പോള്‍ പാവപ്പെട്ടവര്‍ക്ക് നീതി ലഭിക്കാന്‍ ബുദ്ധിമുട്ട് നേരിടുന്നുവെന്ന പറഞ്ഞുകൊണ്ടാണ് സുപ്രീം കോടതി ഈ നിര്‍ദ്ദേശം നല്‍കിയത്. സുപ്രീംകോടതിയുടെ തന്നെ വിവിധ വിധികളും ലോ കമ്മീഷന്‍ റിപ്പോര്‍ട്ടുകളും എടുത്തു പറഞ്ഞ ജസ്റ്റിസുമാരായ ആദര്‍ശ് കെ ഗോയല്‍, യു.യു ലളിത് എന്നിവര്‍ അഭിഭാഷക ജോലി നീതിപൂര്‍വ്വമാക്കാന്‍ നിയമനിര്‍മ്മാണം നടത്തേണ്ട സമയം അതിക്രമിച്ചുവെന്നും അഭിപ്രായപ്പെട്ടു.ബാര്‍ കൗണ്‍സിലുകളോ കോടതികളോ ഇക്കാര്യത്തില്‍ ഒരു തീരുമാനവും ഇതു വരെ കൈക്കൊണ്ടിട്ടില്ലെന്നും കോടതി ചൂണ്ടിക്കാട്ടി.

SC asks Centre to bring law to regulate legal profession, cap lawyers' fees.