തകര്‍ക്കാനും..കൈപിടിക്കാനും ഒരാള്‍....

അനില്‍ അംബാനിയ്ക്ക് സഹായഹസ്തവുമായി മുകേഷ്

ആര്‍കോമിന് 3 ബില്യണ്‍ യു.എസ് ഡോളറിന്റെ സഹായം

കടുത്ത പ്രതിസന്ധിയിലായ ആര്‍ കോം മേധാവി അനില്‍ അംബാനിയെ ആപത്ഘട്ടത്തില്‍ സഹായിച്ച് സഹോദരന്‍ മുകേഷ് അംബാനി. 45000 കോടിയോളം രൂപയുടെ കടബാധ്യതയെ നേരിട്ട റിലയന്‍സ് കമ്മ്യൂണിക്കേഷന് ഏകദേശം 3 ബില്യണ്‍ യു.എസ് ഡോളറിന്റെ സഹായം മുകേഷ് അംബാനി നല്‍കിയതായാണ് ദേശീയമാധ്യമങ്ങള്‍ റിപ്പോര്‍ട്ട് ചെയ്യുന്നത്. ആര്‍കോമിന്റെ ഓപ്പറേറ്റിംഗ് അസറ്റുകള്‍ ഏറ്റെടുത്തുകൊണ്ടായിരുന്നു ഈ സഹായം. ഇതോടെ കടങ്ങള്‍ വീട്ടി തിരിച്ചു വരവിനൊരുങ്ങുകയാണ് അനില്‍ അംബാനി. മുകേഷിന്റെ ഇടപെടലിനു പിന്നാലെ ആര്‍കോമിനെതിരെ ചൈന ഡവലപ്‌മെന്റ് ബാങ്ക് (സിഡിബി) നല്‍കിയ പാപ്പരത്ത പരാതി കഴിഞ്ഞ ദിവസം പിന്‍വലിച്ചു.

നിലവില്‍ ആര്‍കോമിന്റെ ഏറ്റവും വലിയ വായ്പാദാതാക്കളാണ് സിഡിബി.

Mukesh Ambani's Brotherly Love For Anil In Range Of $3 Billion.