പേര് മാറ്റിയാലും...പദ്മാവതിക്ക് ഭ്രഷ്ഠ് !!!

പേരു മാറ്റിയാലും പോസ്റ്റര്‍ മാറ്റിയാലും പദ്മാവതി പ്രദര്‍ശിപ്പിക്കില്ലെന്നുറച്ച് കര്‍ണിസേന

സെന്‍സര്‍ ബോര്‍ഡും സിനിമയുടെ അണിയറ പ്രവര്‍ത്തകരും തമ്മില്‍ ഉണ്ടാക്കിയ ധാരണ അംഗീകരിക്കില്ലെന്ന് രജപുത് കര്‍ണിസേന പറഞ്ഞു. സിനിമ റിലീസ് ചെയ്താല്‍ അതിന്റെ പ്രത്യാഘാതങ്ങള്‍ നേരിടാന്‍ സിനിമയുടെ അണിയറ പ്രവര്‍ത്തകരും സെന്‍സര്‍ ബോര്‍ഡും കേന്ദ്രസര്‍ക്കാരും തയ്യാറാവണമെന്നും കര്‍ണിസേന മുന്നറിയിപ്പ് നല്‍കി.പദ്മാവതി റിലീസ് ചെയ്താല്‍ പ്രശ്‌നങ്ങള്‍ ഉണ്ടാകും.ഒരു തരത്തിലുള്ള അനുനയതീരുമാനങ്ങളും അംഗീകരിക്കാനാകില്ലെന്നാണ് കര്‍ണിസേന നിലപാട്.റിലീസ് ചെയ്താലുണ്ടാകുന്ന പ്രശ്‌നങ്ങള്‍ക്ക് സെന്‍സര്‍ ബോര്‍ഡും ബി ജെ പി സര്‍ക്കാരും മാത്രമായിരിക്കും ഉത്തരവാദികളെന്ന് രജപുത് കര്‍ണിസേന ദേശീയ പ്രസിഡന്റ് സുഖ്‌ദേവ് സിങ് ഗോഗമേണ്ടി പറഞ്ഞു.
മാറ്റങ്ങള്‍ വരുത്തിയാലും സിനിമയുടെ റിലീസ് അനുവദിക്കില്ലെന്നാണ് കര്‍ണിസേനയുടെ നിലപാട്.
സിനിമയുടെ പേര് പത്മാവത് എന്നാക്കണമെന്നും ചില ഭാഗങ്ങള്‍ നീക്കം ചെയ്യണമെന്നും സെന്‍സര്‍ ബോര്‍ഡ് നിര്‍ദ്ദേശിച്ചിരുന്നു. മാറ്റങ്ങള്‍ വരുത്തിയാല്‍ യു/എ സര്‍ട്ടിഫിക്കറ്റ് നല്‍കാമെന്നും സെന്‍സര്‍ ബോര്‍ഡ് തീരുമാനിച്ചിരുന്നു.ചിത്രീകര സമയം മുതല്‍ തന്നെ പത്മാവതിയെ ചൊല്ലി കര്‍ണിസേന രംഗത്തെത്തിയിരുന്നു.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Karni Sena wants a complete ban on the Sanjay Leela Bhansali film Padmavati.