സ്മാര്‍ട്‌ഫോണ്‍ മുറിച്ച കാല്‍

ചൈനീസ് യുവതിയുടെ കാല്‍ ലിഫ്റ്റില്‍ കുടുങ്ങി അറ്റുപോയി

സ്മാര്‍ട്ട്‌ഫോണില്‍ നോക്കി അലക്ഷ്യമായി നടന്നു



സ്മാര്‍ട്ട്‌ഫോണില്‍ നോക്കി നടന്ന ചൈനീസ് യുവതിയുടെ കാല്‍ ലിഫ്റ്റില്‍ കുടുങ്ങി അറ്റുപോയി. മൊബൈല്‍ഫോണില്‍ നോക്കി അലക്ഷ്യമായി നടക്കുന്നവര്‍ക്ക് ഒരു പാഠമാണ് ഇപ്പോള്‍ പുറത്തുവന്നിരിക്കുന്നു ഈ വീഡിയോ ദൃശ്യങ്ങള്‍. കഴിഞ്ഞ വര്‍ഷം ജൂണില്‍ നടന്ന ഈ അപകടത്തിന്റെ ദൃശ്യങ്ങള്‍ ദിവസങ്ങള്‍ക്കു മുമ്പാണ് പുറത്തു വന്നത്. ലിഫ്റ്റിലെ സിസിടിവി ദൃശ്യങ്ങളില്‍ പതിഞ്ഞ ദാരുണദൃശ്യങ്ങളാണ് പുറത്തു വന്നത്. യുവതിയുടെ കാല്‍ ലിഫ്റ്റിന്റെ വാതിലില്‍ കുടുങ്ങുകയും ഉടന്‍ തന്നെ ലിഫ്റ്റ് മുകളിലേക്ക് പോവുകയും ചെയ്തപ്പോഴാണ് കാല്‍ അറ്റുപോയത്. ഫോണില്‍ നോക്കി ലിഫ്റ്റില്‍ കയറുന്നതിനിടെ വാതില്‍ അടയുന്നത് യുവതി ശ്രദ്ധിച്ചിരുന്നില്ല. കാല്‍ ലിഫ്റ്റിന്റെ വാതിലില്‍ കുടുങ്ങിയതോടെ അടിതെറ്റി വീഴുകയും ചെയ്തു. അപകടത്തില്‍പെട്ട യുവതിക്ക് തൊട്ട് പുറകിലുണ്ടായിരുന്ന യുവതി ലിഫ്റ്റിന്റെ വാതില്‍ അടഞ്ഞതിനാല്‍ കയറിയിരുന്നില്ല. മൂന്ന് നിലയോളം ഉയര്‍ന്ന ശേഷമാണ് ലിഫ്റ്റ് നിന്നത്.


Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Woman loses leg in horrific lift accident in China.