ରାୟଗଡା ଜିଲ୍ଲା ଗୁଡାରି ବିଜ୍ଞାପିତ ଅଞ୍ଚଳ ପରିଷଦ ସଦର ମହକୁମା ସ୍ଥିତ ବନାଞ୍ଚଳ ଅଧିକାରୀଙ୍କ କାର୍ଯ୍ୟାଳୟ ହେପାଜତରେ ୫୬ ଦିନ ସୁରକ୍ଷିତ ରହିଥିବା କୁଟୁରା ଛୁଆର ମୃତ୍ୟୁ ଘଟିଥିବା ଦେଖିବାକୁ ମିଳିଥିଲା l ମୃତ୍ୟୁର କାରଣ ଅସ୍ପଷ୍ଟ ରହିଛି l ପ୍ରାଣୀ ଚିକିତ୍ସା କେନ୍ଦ୍ର ଗୁଡାରି ଠାରେ ଶବ ବ୍ୟବଚ୍ଛେଦ ପରେ ବନବିଭାଗ କର୍ମଚାରୀଙ୍କ ଦ୍ୱାରା ପୋତି ଦିଆଯାଇଥିବା ସୂଚନା ମିଳିଥିଲା l ସୂଚନା ଥାଉକି ଗତ ୨୦୨୧ ମାର୍ଚ୍ଚ ୧୩ ତାରିଖରେ ବନାଞ୍ଚଳ ଅଧିକାରୀଙ୍କ ନିକଟରେ ଏକ ମାସର କୁଟୁରା ଛୁଆ ହସ୍ତଗତ ହୋଇଥିଲା l ବନବିଭାଗ ପକ୍ଷରୁ ଉକ୍ତ ଛୁଆର ଲାଳନ ପାଳନ ସହ ଚିକିତ୍ସା କରାଯାଇ ୫୬ ଦିନ ପରେ ଜଙ୍ଗଲରେ ଛାଡି ଦେବାକୁ ବନବିଭାଗ ପ୍ରୟାସ କରିଥିଲା l କିନ୍ତୁ କୁଟୁରା ଛୁଆ ଛୋଟବେଳୁ ମନୁଷ୍ୟ ସମାଜ ମଧ୍ୟରେ ଜଡିତ ଥିବା ହେତୁ ଜଙ୍ଗଲ ମଧ୍ୟରୁ ଫେରି ଆସିଥିଲା l କିନ୍ତୁ ବନାଞ୍ଚଳ ଅଧିକାରୀଙ୍କ ହେପାଜତରେ ୫୬ ଦିନ ସୁରକ୍ଷିତ ରହିବା ପରେ ମୃତ୍ୟୁ ଘଟିଥିଲା l ଶବ ବ୍ୟବଚ୍ଛେଦ ପରେ ଶବକୁ ପୋତି ଦିଆଯାଇଥିବା ବନାଞ୍ଚଳ ଅଧିକାରୀ ଶ୍ରୀମତୀ ସଂଘମିତ୍ରା ଭୋଇ ସୂଚନା ପ୍ରଦାନ କରିଥିଲେ l

Death of a Puppy # Body Was Buried by Forest Officials After Autopsy.