കഴിച്ച് കഴിച്ച് കിടപ്പിലാകുന്ന ഇന്ത്യക്കാര്‍...!!!

ഇന്ത്യയില്‍ ഭക്ഷ്യജന്യ രോഗങ്ങള്‍ കാരണം 1.78 ലക്ഷം കോടിരൂപയുടെ സാമ്പത്തിക ബാധ്യതയെന്ന് അന്താരാഷ്ട്ര പഠനം

ഭക്ഷണം ലഭിക്കാതെയല്ല കഴിച്ച് കഴിച്ച് കിടപ്പിലാകുകയാണ് ഇന്ത്യക്കാര്‍.1.78 ലക്ഷം കോടിയുടെ ബാധ്യതയിലെത്തിച്ച കഴിക്കല്‍.ഇന്ത്യയില്‍ ഭക്ഷ്യജന്യ രോഗങ്ങള്‍ കാരണം 1.78 ലക്ഷം കോടിരൂപയുടെ സാമ്പത്തിക ബാധ്യതയെന്ന് അന്താരാഷ്ട്ര പഠനം.2017ലെ കേന്ദ്ര ആരോഗ്യ ബജറ്റിന്റെ 3 മടങ്ങളാണ് ഭഷ്യവസ്തുക്കളില്‍ നിന്നുണ്ടായ ആരോഗ്യ പ്രശ്‌നങ്ങള്‍കാരണം രാജ്യത്ത് ചെലവഴിക്കേണ്ടി വന്നത്.
ലോകബാങ്കിന്റെ പങ്കാളിത്തത്തോടെ നെതര്‍ലന്‍ഡ്, കെനിയ എന്നീ രാജ്യങ്ങളിലെ ഗവേഷകര്‍ നടത്തിയ പഠനത്തിലാണ് കണക്കുകള്‍ പുറത്ത് വന്നിരിക്കുന്നത്.നഗരങ്ങളില്‍ മാത്രമല്ല ഗ്രാമപ്രദേശങ്ങളിലെ പിന്നോക്കകാരെ വരെ ഇത്തരം രോഗങ്ങള്‍ വര്‍ദ്ധിക്കുന്നു.2010ലെ കണക്കനുസരിച്ച് ഇന്ത്യയില്‍ 10 കോടി ആളുകളെയാണ് ഭക്ഷ്യജന്യരോഗങ്ങള്‍ ബാധിക്കുന്നത്.കുട്ടികളെയാണ് ഇതേറ്റവും കൂടുതല്‍ ബാധിക്കുന്നത്.
നഗരവത്കരണം, വരുമാനത്തിലെ വര്‍ധന എന്നിവ ഭക്ഷണരീതികളില്‍ ഉണ്ടാക്കിയ മാറ്റമാണ് രോഗം കൂടാന്‍ കാരണമെന്ന് പഠനത്തില്‍ പറയുന്നു. ഭക്ഷ്യസുരക്ഷ ഉറപ്പാക്കുന്നതിനുള്ള നടപടി എത്രയും വേഗം സ്വീകരിച്ചില്ലെങ്കില്‍ രാജ്യത്തെ ആരോഗ്യരംഗംത്തെ നശിപ്പിച്ചേക്കുമെന്ന മുന്നറിയിപ്പും പഠനം നല്‍കുന്നു


Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

food Diseases Biggest Health Risk for Indians.