വന്‍ സൈനിക നീക്കം...ഇന്ത്യ പേടിപ്പിക്കാനോ...????



ദോക്ലാമിന് സമീപം വന്‍ സൈനിക നീക്കവുമായി ചൈന;ഉപഗ്രഹ ചിത്രങ്ങള്‍ പുറത്ത്

ഇന്ത്യ-ചൈന-ഭൂട്ടാന്‍ അതിര്‍ത്തി വീണ്ടും സംഘര്‍ഷത്തിലേക്ക്.സിക്കിം അതിര്‍ത്തിയ്ക്കടുത്ത് തര്‍ക്കപ്രദേശമായ ദോക്ലാമില്‍ വന്‍ സൈനിക നീക്കവുമായി ചൈന.സൈനിക സന്നാഹം നടത്തിയതിന്റെ ഉപഗ്രഹ ചിത്രങ്ങള്‍ പുറത്തുവന്നു.ഇന്ത്യന്‍ സൈനിക പോസ്റ്റില്‍ നിന്ന് 80 മീ മാത്രം അകലെയാണ് ചൈനീസ് സൈന്യം രഹസ്യമുന്നൊരുക്കം നടത്തുന്നത്.ഹെലിപാടുകളും കോണ്‍ക്രീറ്റ് കെട്ടിടങ്ങളും നിരീക്ഷണ ടവറുകളും ആയുധപ്പുരകളും നിര്‍മ്മിച്ചിട്ടുണ്ട് കൂടാതെ തര്‍ക്ക പ്രദേശത്ത് റോഡുകളും ചൈന പൂര്‍ത്തിയാക്കിയതായി ചിത്രങ്ങളില്‍ നിന്നു വ്യക്തമാണ്.ഇവിടെ സ്ഥിരമായി സേനയെ നിലനിര്‍ത്തുന്നതിന്റെ ഭാഗമായാണ് ചൈനീസ് നീക്കമെന്ന് വിലയിരുത്തുന്നു.സൈനിക വാഹനങ്ങളേറെ പ്രദേശത്ത് മറച്ചുവെച്ചിരിക്കുകയാണെന്നും രഹസ്യാന്വേഷണ വിഭാഗം മുന്നറിയിപ്പു നല്കിയിട്ടുണ്ട്.ഡിസംബര്‍ ആദ്യവാരം പകര്‍ത്തിയവയാണ് പുറത്തുവന്ന ഉപഗ്രഹ ചിത്രങ്ങള്‍.ചൈനയുടെ താല്‍ക്കാലിക സംവിധാനങ്ങള്‍ തര്‍ക്കമേഖലയിലുണ്ടെ്‌നും ശൈത്യകാലമായതിനാല്‍ സൈന്യത്തിന്റെ സാന്നിധ്യമില്ലെന്നും കരസേന മേധാവി കഴിഞ്ഞ ദിവസം വ്യക്തമാക്കിയിരുന്നു.ചൈനീസ് സൈന്യം തിരികെയെത്തിയാല്‍ നേരിടാന്‍ ഇന്ത്യ സജ്ജമാണെന്നും ബിബിന്‍ റാവത്ത് അറിയിച്ചു

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Full-fledged Chinese military complex in Doklam.