നവീന്‍ ഇനി മലയാളത്തിന്റെ മരുമകന്‍...!!!


മലയാളികളുടെ പ്രിയപ്പെട്ട നടി ഭാവനയ്ക്ക് പ്രണയസാഫല്യം


വീണ്ടുമൊരു താര വിവാഹത്തിന് സാക്ഷ്യം വഹിച്ച് കേരളം.അഞ്ച് വര്‍ഷത്തെ പ്രണയത്തിനൊടുവില്‍ നടി ഭാവനയും കന്നട നിര്‍മ്മാതാവായ നവീനും വിവാഹിതരായി.ഭാവനയുടെ ജന്മനാടായ തൃശ്ശൂരിലെ തിരുവമ്പാടി ക്ഷേത്രത്തില്‍വെച്ച് 9.30നായിരുന്നു താലികെട്ട്.ഏറ്റവും അടുത്ത സുഹൃത്തുക്കളും ബന്ധുക്കളും മാത്രമാണ് ചടങ്ങില്‍ പങ്കെടുത്തത്.രാഷ്ട്രീയ - ചലച്ചിത്ര മേഖലയിലുള്ളവര്‍ക്കുള്ള വിവാഹ വിരുന്ന് വൈകിട്ട് ലുലു കണ്‍വെന്‍ഷന്‍ സെന്ററില്‍.ഭാവന അഭിനയിച്ച റോമിയോ എന്ന സിനിമയുടെ നിര്‍മാതാവായിരുന്നു നവീന്‍.നവീന്റെ അമ്മയുടെ വിയോഗം കാരണമാണ് വിവാഹം നീണ്ടുപോയതെന്നും നേരത്തെ എടുത്ത തീരുമാനമായിരുന്നുവെന്നും താരത്തിന്റെ കുടുംബാംഗങ്ങള്‍ അറിയിച്ചിരുന്നു.വിവാഹത്തിന് മുന്നോടിയായുള്ള മെഹന്തി ചിത്രങ്ങള്‍ സാമൂഹ്യ മാധ്യമങ്ങളില്‍ വൈറലായി കൊണ്ടിരിക്കുകയാണ്. ഒപ്പം പ്രിയങ്ക ചോപ്രയുടെ വിവാഹാശംസകളും.മലയാളം തമിഴ് കന്നടയുള്‍പ്പെടെ തെന്നിന്ത്യയിലെ മുന്‍നിര നായികയാണ് ഭാവന.കനത്ത സുരക്ഷയൊരുക്കിയാണ് വിവാഹം നടന്നത്.

actress Bhavana to tie the knot with Kannada filmmaker Naveen in Thrissur.