എയര്‍ ഇന്ത്യക്ക് പാത തുറന്ന് സൗദി

ഡല്‍ഹി - ടെല്‍ അവീവ് വിമാനങ്ങള്‍ക്ക് സൗദിയിലൂടെ പറക്കാം


ഇസ്രയേലിലേക്കു ആരംഭിക്കുന്ന എയര്‍ ഇന്ത്യ വിമാനസര്‍വ്വീസിന് സൗദി അറേബബ്യ വ്യോമപാത തുറന്നുകൊടുത്തതായി റിപ്പോര്‍ട്ട്.മാര്‍ച്ചില്‍ ആരംഭിക്കാനിരിക്കുന്ന ഡല്‍ഹി ടെല്‍ അവീവ് വിമാനങ്ങള്‍ക്കാണു വ്യോമ പാത തുറന്നുകൊടുത്തതെന്ന് ഇസ്രയേല്‍ പത്രമായ ഹാരെട്‌സിനെ ഉദ്ധരിച്ചു വാര്‍ത്താ ഏജന്‍സിയായ പിടിഐ റിപ്പോര്‍ട്ട് ചെയ്തു. അതേസമയം, ഇക്കാര്യത്തില്‍ ഇന്ത്യയുടെ സിവില്‍ വ്യോമയാന മന്ത്രാലയത്തില്‍നിന്നോ എയര്‍ ഇന്ത്യയില്‍നിന്നോ ഔദ്യോഗിക സ്ഥിരീകരണം ലഭ്യമായിട്ടില്ല. നിലവില്‍ മിക്ക അറബ് രാജ്യങ്ങളും ഇസ്രായേലിനെ ഒരു രാഷ്ട്രമായി അംഗീകരിക്കാത്തതിനാല്‍ അവരുടെ വ്യോമപാത അവിടേക്കുള്ള യാത്രക്കായി തുറന്നുനല്‍കിയിരുന്നില്ല. ഡല്‍ഹിയില്‍ നിന്ന് അഹമ്മദാബാദ്, ഒമാന്‍, സൗദി അറേബ്യ എന്നിവിടങ്ങള്‍ക്ക് മുകളിലൂടെ ടെല്‍ അവീവിലെത്തുന്നതിലൂടെ സമയലാഭമുണ്ട്.നിലവിലെ പാതയെ അപേക്ഷിച്ച് അരമണിക്കൂറിന്റെ വ്യത്യാസം സൗദിക്ക് മുകളിലൂടെ പറക്കുമ്പോള്‍ ലഭിക്കും.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Saudi Allows Air India To Use Airspace For Delhi-Tel Aviv Flights: Report.