കല്യാണം...കടലിനടിയില്‍....ഇത് ചരിത്രം...!!!

ചരിത്രം കുറിച്ച് ഒരു സിനിമയുടെ ഓഡിയോ ലോഞ്ച് കടലിനടിയില്‍ വെച്ച് നടന്നു

ചരിത്രത്തില്‍ തന്നെ ആദ്യമായി കല്യാണം സിനിമയുടെ ഓഡിയോ ലോഞ്ച് കടലിനടിയില്‍ നടന്നു. ചലച്ചിത്ര താരം മുകേഷിന്റെ മകന്‍ ശ്രാവണ്‍ നായകനായെത്തുന്ന ചിത്രത്തിന്റെ പ്രചരണത്തിനുപുറമേ കടലില്‍ മാലിന്യം തള്ളുന്നതിനെതിരെയുള്ള ഒരു ബോധവത്കരണം കൂടിയാണ് പരിപാടിയെന്നു അണിയറ പ്രവര്‍ത്തകര്‍ പറയുന്നു.
കോവളം ഉദയസമുദ്ര ഹോട്ടലില്‍ നടന്ന ചടങ്ങ് ചലച്ചിത്ര താരം ഉണ്ണിമുകുന്ദന്‍ ഉദ്ഘാടനം ചെയ്തു.
ചിത്രത്തിലെ അഞ്ചു ഗാനങ്ങളും ചടങ്ങില്‍ പ്രദര്‍ശിപ്പിച്ചു.
കോവളം ഗ്രോവ് ബീച്ചില്‍ ആണ് കൗതുകമായി കടലിനടിയില്‍ ഓഡിയോ ലോഞ്ച് നടന്നത്. പ്രത്യകം സജ്ജമാക്കിയ മുങ്ങല്‍ വസ്ത്രങ്ങളും ഓക്‌സിജന്‍ സംവിധങ്ങളുമായി സംഘം കടലിലേക്ക് ഇറങ്ങി. തീരത്ത് നിന്നും 80 മീറ്റര്‍ അകലെ കടലിനടിയില്‍ പ്രത്യകം സജ്ജമാക്കിയ സ്ഥലത്തായിരുന്നു ചടങ്ങ് സംഘടിപ്പിച്ചത്.
ചലച്ചിത്ര താരവും ഫ്രൈഡേ സിനിമാസിന്റെ ഉടമയുമായ വിജയ് ബാബു, ചിത്രത്തിന്റെ സംവിധായകനു നിര്‍മ്മാതാവുമായ രാജേഷ് നായര്‍, എന്നിവരടങ്ങുന്ന സംഘമാണ് കടലില്‍ ആറ് മീറ്ററോളം ആഴത്തില്‍ നടന്ന ഓഡിയോ ലോഞ്ചില്‍ പങ്കെടുത്തത്.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

'Kalyanam' to have an underwater audio launch.