ഭരണകൂടങ്ങളേ.....ജാഗ്രതൈ.....

മഹാരാഷ്ട്രയെ പിടിച്ചുകുലുക്കി കര്‍ഷക മാര്‍ച്ച് മുംബൈയിലേക്ക്

മഹാരാഷ്ട്രയെ പിടിച്ചുകുലുക്കുന്ന കര്‍ഷകപ്രക്ഷോഭം ഇന്ത്യയുടെ വ്യാവസായിക തലസ്ഥാനമായ മുംബൈയിലേക്ക് എത്തുന്നു. ഇതേ തുടര്‍ന്ന് മുംബൈയില്‍ അതീവ സുരക്ഷ പ്രഖ്യാപിച്ചു. മുപ്പതിനായിരത്തോളം കര്‍ഷകരാണ് തങ്ങളുടെ കാര്‍ഷിക കടങ്ങള്‍ പൂര്‍ണമായി എഴുതിത്തള്ളുക എന്നതുള്‍പ്പെടെ വിവിധ ആവശ്യങ്ങള്‍ ഉന്നയിച്ച് കാല്‍നട ജാഥ നടത്തുന്നത്. ഇന്ന് മുംബൈ നഗരത്തിലേക്കു പ്രവേശിച്ച ശേഷം നാളെ മഹാരാഷ്ട്ര നിയമസഭാ മന്ദിരം ഉപരോധിക്കാനാണ് കര്‍ഷകര്‍ തീരുമാനിച്ചിരിക്കുന്നത്. കര്‍ഷകരെ നിയമസഭാ പരിസരത്തേക്ക് കടക്കാന്‍ അനുവദിക്കാതെ ആസാദ് മൈതാനത്തിന് സമീപം ജാഥ തടയാനാണ് പോലീസിന്റെ നീക്കം. സിപിഐഎം കര്‍ഷക സംഘടനയായ അഖിലേന്ത്യാ കിസാന്‍ സഭയുടെ നേതൃത്വത്തില്‍ ഈ മാസം ഏഴിനാണ് ജാഥ ആരംഭിച്ചത്.

35,000 Farmers Reach Mumbai, Plan To Protest Outside Assembly Tomorrow.