ଝାରସୁଗୁଡା ଇଞ୍ଜିନିୟରିଂ ସ୍କୁଲରେ ଛାତ୍ର ଉତ୍ତେଜନା ପ୍ରକାଶ ପାଇଛି |ପରୀକ୍ଷା ଚାଲିଥିବା ବେଳେ ଚାରିଦିନ ତଳେ ସ୍କୁଲରୁ 9 ଛାତ୍ରଛାତ୍ରି ଓ 13 କର୍ମଚାରୀଙ୍କୁ ମିଶାଇ 22 ଜଣ କରୋନାରେ ଆକ୍ରାନ୍ତ ଥିବା ଜଣାପଡିବା ପରେ ଜିଲ୍ଲା ପ୍ରଶାସନ ପକ୍ଷରୁ ଏଥିରେ ହସ୍ତକ୍ଷେପ କରି ଅଫଲାଇନ୍ ପରୀକ୍ଷାକୁ ବାତିଲ କରିବା ଦାବୀରେ ଆନ୍ଦୋଳନ ଜାରୀ ରଖିଛନ୍ତି ଛାତ୍ରଛାତ୍ରୀ |ଶନିବାର ଦିନ ଇଞ୍ଜିନିୟରିଂ ସ୍କୁଲରୁ 22 ଜଣ କରୋନା ଆକ୍ରାନ୍ତ ଚିହ୍ନଟ ହେବା ପରେ ଆକ୍ରାନ୍ତ ଛାତ୍ରଛାତ୍ରୀଙ୍କୁ ଆଇସୋଲେସନରେ ରଖାଯାଇ ସେମାନଙ୍କ କଣ୍ଟାକ୍ଟ ଟ୍ରେସିଂ କରାଯାଇ ସ୍କୁଲର ସମସ୍ତ ଛାତ୍ରଛାତ୍ରୀଙ୍କ ସ୍ୱାବ ନମୁନା ପରୀକ୍ଷା ପାଇଁ ପଠାଯାଇଥିଲା |ଦ୍ୱିତୀୟ ଓ ପଞ୍ଚମ ସେମିଷ୍ଟାର ପିଲାଙ୍କ ପରୀକ୍ଷା ଅଫଲାଇନରେ କରାଯାଉଥିବାରୁ କରୋନା ଟେଷ୍ଟିଂ ରିପୋର୍ଟ ଆସି ନଥିବାରୁ ଭଯଭୀଟ ହୋଇ ଛାତ୍ରଛାତ୍ରୀ ଅଫଲାଇନ୍ ପରୀକ୍ଷାଅ ବାତିଲ କରି ଅନଲାଇନରେ ପରୀକ୍ଷା ଓ ପାଠ ପଢାଇବା ଦାବୀରେ ଅଡି ବସିଛନ୍ତି |ଇଞ୍ଜିନିୟରିଂ ସ୍କୁଲ ଅଧ୍ୟକ୍ଷା ପିଲାଙ୍କୁ ବୁଝାସୁଝା କରିବା ସତ୍ତ୍ୱେ ସେମାନେ ନିଜ ଜିଦରେ ଅତଳ ରହି ପ୍ରବଳ ଖରାରେ ନିଜ ଆନ୍ଦୋଳନକୁ ଜାରୀ ରଖିଛନ୍ତି |ଆନ୍ଦୋଳନରତ ଛାତ୍ରଛାତ୍ରୀଙ୍କ ଦାବୀ ସଂକ୍ରାନ୍ତରେ ନିଜର ପ୍ରତିକ୍ରିୟା ଦେଇ ସ୍କୁଲ ଅଧ୍ୟକ୍ଷା କରୋନା ପଜିଟିଭ ନଥିଲେ ରିପୋର୍ଟ ଦିଆଯାଏନାହିଁ ବୋଲି କହି ପିଲାମାନେ ଭୟଭିତ ନହେବାକୁ ପରାମର୍ଶ ଦେବା ସହ ଅଫଲାଇନ୍ ପରୀକ୍ଷା କରାଇବା ଦାୟିତ୍ୱ ସରକାରଙ୍କ ବୋଲି କହିଛନ୍ତି |

ଝାରସୁଗୁଡା ଇଞ୍ଜିନିଅରିଙ୍ଗ ସ୍କୁଲରେ ଛାତ୍ର ଉତ୍ତେଜନା #Jharsuguda.