മായ്ക്കപ്പെടുന്ന ജനത...!!!

കൊടുംകാടുകള്‍ക്കുള്ളില്‍ പുറംലോകവുമായി അകലം പാലിച്ച് ഒതുങ്ങിക്കഴിയുന്ന നിലമ്പൂരിലെ ഗോത്രവിഭാഗം


ലോകത്തില്‍ തന്നെ വിരളമായ ആദിവാസി ഗോത്രവിഭാഗം ചോലനായ്ക്കര്‍ അഥവ ചോലനായ്ക്കന്‍.മലപ്പുറം ജില്ലയിലെ നിലമ്പൂര്‍ വനപ്രദേശത്താണ് അതിവാസം.തമിഴ്‌നാട് അതിര്ത്തി മേഖലകളായ നെടുങ്കയം,കരുവാക്കുണ്ട് കാളികാവ് വനങ്ങളിലെ ഗുഹകളാണിവരുടെ പ്രധാന വാസസ്ഥലം.എഴുത്ത് വിദ്യ വശമില്ലാത്ത 300ഓളം ആളുകളുടെ ഒരു ജനത.ആദിദ്രാവിഡ ഭാഷ വകഭേതമായ ചോലനായ്ക്കന്‍ ഭാഷയിലാണിവരുടെ സംസാരം.കുറിയ ശരീരമുള ആരോഗ്യമുള്ള ശരീരം,പരന്ന മൂക്കം ഉരുണ്ട മുഖവും ചുരുണ്ട കറുത്ത മുടിയുമാണ് ഈ മനുഷ്യരെ വ്യത്യസ്തരാക്കുന്നത്.
ആഴ്ചയിലൊരിക്കല്‍ വന വിഭവങ്ങള്‍ കാടുകടക്കുമെന്നതൊഴിച്ചാല്‍ ആശുപത്രിയിലേക്കോ ആഹാരത്തിനായോ പോലും കാടിന്റെ മക്കള്‍ പുറത്തെത്താറില്ലത്രെ.കേന്ദ്ര മന്ത്രാലയം 1971 ല്‍ പി.കെ. മൊഹന്തിയുടെ നേതൃത്വത്തില്‍ നടത്ത്തിയ പഠനങ്ങള്‍ വഴി 306 ചോലനായ്ക്കരെ രേഖപ്പെടുത്തി. 1981 ഇത് 234 ആയും 1991 360 ആയും മാറി. അന്ന് സാക്ഷരതയില്ലാത്തവരാണെങ്കിലും പരിഷ്‌കൃത സമൂഹത്തിന്റെ സ്വാധീനം ചോലനായ്ക്കര്‍മാരുടെ ജീവിതത്തിലും ചില മാറ്റങ്ങള്‍ വരുത്തിയിട്ടുണ്ട്.കാടും കാട്ടുമൃഗങ്ങളെയും മാത്രം വിശ്വസിക്കുന്ന ചാലിയാര്‍ പുഴയ്ക്കപ്പുറം സ്വന്തം ലോകം കെട്ടിപ്പടുത്ത ഒരു ജനത.