ଗୋଲାମୁଣ୍ଡା ବ୍ଲକ ର ବିଭିନ୍ନ ସମସ୍ୟା କୁ ନେଇ ଆଜି ବ୍ଲକ କିସାନ ସଂଘ ତହସିଲ ଅଫିସ ସମ୍ମୁଖରେ ଧାରଣା ଦେଇ ୫ ଦଫା ଦାବି ପତ୍ର ପ୍ରଦାନ କରିଛି | କିସାନ ସଂଘ ସଭାପତି ସାଓଲ ମଙ୍ଗରାଜଙ୍କ ନେତୃତ୍ୱ ରେ ହଜାର ହଜାର ସଂଖ୍ୟା ରେ ଚାଷୀ ଓ ଜନସାଧାରଣ ତହସିଲ ଅଫିସ ଧାରଣା ରେ ସାମିଲ ହୋଇଥିଲେ | ଗୋଲାମୁଣ୍ଡା, ମାଂଜହରି,ବୃନ୍ଦାବହାଲ, ଧାମନପୁର,ଚିଳଗାଁ ଗ୍ରାମ ଗୁଡିକର ବନ୍ଦୋବସ୍ତ ତୁରନ୍ତ କରାଯାଉ | ଜଙ୍ଗଲ ଜମି ପାଇଥିବା ହିତାଧିକାରୀ ମାନଙ୍କୁ ମରୁଡି କ୍ଷୟ କ୍ଷତି ରାଶି ପ୍ରଦାନ କରାଯାଉ | ଇନ୍ଦ୍ରାବତୀ କେନାଲ କୁ ସମ୍ପ୍ରସାରଣ କରାଯାଇ ଗୋଲାମୁଣ୍ଡା ବ୍ଲକ୍ର ସମସ୍ତ ଚାଷ ଜମିକୁ ଜଳସେଚନ ବ୍ୟବସ୍ଥା କରାଯାଉ | ନୂତନ ଭାବେ ଘୋଷଣା ହୋଇଥିବା ଗୋଲାମୁଣ୍ଡା ସିଏଚସି ଡାକ୍ତରଖାନାକୁ ତୁରନ୍ତ ଆବଶ୍ୟକ ଡାକ୍ତର ନର୍ସ ତଥା ସମସ୍ତ କର୍ମଚାରୀ ତୁରନ୍ତ ନିଯୁକ୍ତି ପ୍ରଦାନ କରାଯାଉ | ଚଂଦଲି ଠାରୁ ରାଉରକେଲା ପର୍ଯ୍ୟନ୍ତ ବିଜୁ ଏକ୍ସପ୍ରେସ ରାସ୍ତା ପାଇଁ ଜମି ଅଧିଗ୍ରହଣ ପାଇଁ ଚାଷୀକୁ ଭାରତୀୟ ରେଲ୍ୱେ ବିଭାଗ ଯେଉଁ ହାରରେ ଚାଷୀ ଙ୍କୁ ଜମିର ମୂଲ୍ୟାଙ୍କନ କରୁଛନ୍ତି ଏବଂ ଟଙ୍କା ପ୍ରଦାନ କରୁଛନ୍ତି ସେ ହିସାବରେ ୪ ଗୁଣ ଓଡିଶା ସରକାର ଚାଷୀ ଙ୍କୁ ଟଙ୍କା କରନ୍ତୁ | ଉକ୍ତ ୫ ଦାବି ଗୁଡିକୁ ନେଇ ଆଜି କିସାନ ସଂଘ ତହସିଲ ଅଫିସ ସମ୍ମୁଖରେ ଧାରଣା ଦେଇ ୫ ଦଫା ଦାବି ପତ୍ର ତହସିଲଦାର ଲୋଚନ ଦାସଙ୍କୁ ପ୍ରଦାନ କରାଯାଇଥିଲା |

Watch strike by farmers at Golamunda, Kalahandi With HD Quality.