તાપી નદીમાં જળકુંભીના પારાવાર ઉપદ્રવે સર્જલી કપરી સ્થિતિમાં શહેર ભાજપ પ્રમુખ નીતિન ભજિયાવાળાએ તાપી શુદ્ધિકરણ મહાઅભિયાનની આજથી શરૂઆત કરી છે. જેમાં મોટી સંખ્યામાં ભાજપના કાર્યકર્તાઓ, શહેરના લોકો સામાજિક સંસ્થાઓ જોડાયા હતાં. અને નદીના કાંઠે સફાઈ કરવાની સાથે નાવડીમાં બેસીને તાપીમાંથી જળકુંભી બહાર કાઢી હતી. ભાજપ કાર્યકરો વડાપ્રધાન નરેન્દ્ર મોદીની છાપવાળા ટી શર્ટ સાથે મહાઅભિયાનમાં જોડાયા હતાં. રવિવારનો દિવસ અને રામનવમી હોવાથી મોટી સંખ્યામાં શહેરના લોકો તાપી સફાઈ કરવા માટે નદીના બન્ને કિનારે ગોઠવાઈ ગયા હતાં. નાવડીમાંથી આવતી જળકુંભીને ટેમ્પો મારફતે દૂર કરવા લાગ્યા હતાં. તેમાંય ભાજપના કાર્યકર્તાઓ દ્વારા કેસરી ટોપી પહેરીને સફાઈ કરતા કાર્યકરોથી કેસરીયો માહોલ સર્જાયો હતો. જોકે, જળકુંભી દૂર થયા બાદ ફરી થાય છે કે કેમ તે પણ પ્રશ્ન લોકો પુછી રહ્યાં છે. પરંતુ હાલ પુરતી તાપી નદી ભાજપના કાર્યકર્તા, શહેરના લોકો અને સામાજિક સંસ્થાઓઓ દ્વારા સ્વચ્છ થતી હોવાથી લોકોએ આનંદની લાગણી વ્યક્ત કરી હતી.

Know more on www.khabarchhe.com
Follow US On:

Facebook - www.facebook.com/khabarchhe/
Twitter - www.twitter.com/khabarchhe
Instagram - www.instagram.com/khabarchhe/
Youtube - www.youtube.com/khabarchhe

Download Khabarchhe APP
www.khabarchhe.com/downloadAppWatch People of Surat cleaned water hyacinth from river Tapi With HD Quality.