ભાજપની દરેક નગરપાલિકામાં નાના મોટા વિખવાદ ઊભા થયા છે. એક જૂથ બીજા જૂથને ખતમ કરે છે. નેતા વચન આપે છે પણ તેનું પાલન થતું ન હોવાથી પક્ષમાં વિખવાદ વધી રહ્યાં છે. અમદાવાદની નજીકના સાણંદ નગરપાલિકાની ચૂંટણીમાં મોટા પાયા પર વિખવાદ શરૂ થયા છે. આ વિખવાદ પ્રદેશ ભાજપને પણ દઝાડી રહ્યાં છે.
ભાજપના સાણંદ નગરપાલિકાના ઉપપ્રમુખ રઘુવીરસિંહ વાઘેલા કહે છે કે, ભાજપના બની બેઠેલાં આજકાલના નેતાઓ પ્રદિપ વાઘેલા (પ્રદેશ મંત્રી), જીતુ કાણેતી (APMC), કમો વ્યાસ, ઘનશ્યામ છે. વિધાનસભાની ચૂંટણી બાદ આ બધા નેતાઓને મનાવીને ફરી ભાજપમાં લાવ્યા હતા. પ્રદિપસિંહ વાઘેલાએ મને પેંડા પણ ખવડાવ્યા હતા. ત્યારે કુશળસિંહ પઢેરીયા તથા પ્રદિપસિંહ વાઘેલા, એ કે ઝાલાને વચ્ચે રાખીને મારી સાથે સમાધાન કરાવ્યું હતું. બે દિવસ પહેલાં સાણંદ દરબારગઢમાં ટીકા સાહેબની રૂબરૂમાં હરીશ વાઘેલા વગેરેની રૂબરૂમાં મારી સાથે બેઠક કરાવી હતી. પણ હવે મને લાગે છે કે મને ડફોળ બનાવવાનું તે કાવતરું કર્યું હતું..