ભારત સરકાર દ્વારા આયોજિત હેકાથોન 2018મા ભારતની તમામ કૉલેજોમાંથી 17000 જેટલા એન્જિનિયરિંગના વિદ્યાર્થીઓએ ભાગ લીધો હતો. જેમાં સુરતની સાર્વજનિક કૉલેજ ઑફ એન્જિનિયરિંગ એન્ડ ટેક્નોલૉજીના 72 જેટલા વિદ્યાર્થીઓએ ભાગ લીધો હતો. જેમાં પ્રથમ રાઉન્ડ બાદ 6 વિદ્યાર્થીઓનું સિલેક્શન થયુ હતું. જેમાં સુરતના એન્જિનિયરિંગના 6 વિદ્યાર્થીઓ 36 કલાકના પ્રોજેક્ટ દરમિયાન બ્લડ બેંક અને લોકો વચ્ચે ટ્રાન્સપરન્સી લાવવા માટે એક પ્રોજેક્ટ પર મહેનત કરી હતી. જેમાં આ 6 વિદ્યાર્થીઓએ 36 કલાકના સમય ગાળા દરમિયાન લાઈફોર્સ નામની એક મોબાઈલ એપ્લિકેશન બનાવી હતી.

આ એપ્લિકેશનના લીધે લોકોને બ્લડ મેળવવા માટે પડતી તકલીફ દૂર થશે અને લોકોને પોતાનાં વિસ્તારની નજીકની બ્લડ બેંક વિશેની માહિતી મળી શકશે. લોકોને બ્લડની જરૂર હશે તો આ મોબાઈલ એપની મદદથી આસાનીથી બ્લડ મેળવી શકાશે. આ મોબાઈલ એપ્લિકેશનની મદદથી જે લોકોને જે બ્લડ ગ્રુપની જરૂર હશે તે બ્લડ ગ્રુપ એપ્લિકેશનમાં સર્ચ કરશે તો તેમની આજુબાજુના વિસ્તારના કેટલા લોકો આ બ્લડ ગ્રુપ ધરાવે છે એ માહિતી મળી જશે. માહિતી મેળવ્યા બાદ જેની પાસેથી બ્લડ મેળવા ઇચ્છતા હોવ તેના પર ક્લિક કરવાથી તેને બ્લડ ડોનેશન માટેની રિકવેસ્ટ એપ્લિકેશન ઓટોમેટીક મોકલી આપશે અને ડોનર પોતાનું બ્લડ આપવા તૈયાર હોય તો તે એપ્લિકેશન એક્સેપ્ટ કરી નજીકની બ્લડ બેંકમાં પોતાનું બ્લડ આપવા માટે પહોંચી જશે..