હોળી વખતે થયેલી મારામારીના મુદ્દે બુધવારે મોડી રાત્રે ઉધનામાં બે કોમના ટોળા વચ્ચે કોમી છમકલું થયું હતું. લોકોએ સામ સામે પથ્થરમારા સાથે દુકાનોની તોડફોડ કરી હતી. ત્યારે સ્થાનિક દલિત યુવકે પોલીસને ફોન કરી ઘટનાની જાણ કરી હતી. ત્યારે ઉધના પોલીસના PSI જે. બી. આહીરે તોફાનીઓ સામે કાર્યવાહી કરવાની જગ્યાએ દલિત યુવક અને તેના પરિવારના સભ્યોને ઢોરમાર મારી લોકઅપમાં પણ પૂરી દીધા હતા. ઘટનાની વિગતો અનુસાર ઉધના વસંત વિહાર સોસાયટીમાં હોળીના સમયે એક યુવકને ત્રણ વિધર્મી યુવકોએ માર માર્યો હતો. જેમાં બન્ને કોમ વચ્ચે ઘર્ષણ થયું હતું. બુધવારે રાત્રે ફરી જે યુવકોનો ઝગડો થયો હતો તેઓ ભેગા થઈ જતા બન્ને વચ્ચે ફરીથી તકરાર થઈ હતી. આ તકરારે ઉગ્ર સ્વરૂપ ધારણ કરતા બે કોમના ટોળા સામ સામે આવી ગયા હતા. સામ સામે આવી ગયેલા બન્ને કોમના લોકો હાથમાં જે વસ્તુ આવે તેનાથી એક બીજા પર હુમલો કરી દુકાનોના શટરોની પણ તોડફોડ કરતા હતા..