સુરતમાં આજે સુરતના વેસુમાં આવેલી એલ.પી.સવાણી શાળામાં આજે ગયા વર્ષની ફી ન ભરવાને કારણે 10 વિદ્યાર્થીઓને સસ્પેન્ડ કરી દેવામાં આવ્યા હતા. જેના વિરોધમાં વાલીઓ DEO કચેરી પહોંચ્યા હતા અને DEO સામે રજૂઆત કરી હતી. ત્યારબાદ DEO એ એલ.પી. સવાણીને નોટીસ મોકલાવી હતી.

છેલ્લા ઘણા સમયથી વાલીઓ અને વિદ્યાર્થીઓ વચ્ચે ફી અંતર્ગત ઘર્ષણનો માહોલ સર્જાયો છે. આ ઉપરાંત શાળા સંચાલકોએ કહ્યું છે કે જો ફી ભરશો તો જ રિઝલ્ટ બતાવવામાં આવશે અને બીજી બાજુ તરફ વાલીઓએ કોર્ટના આદેશ પ્રમાણે જ ફી ભરીશું એવું નક્કી કર્યું છે. આ તમામ બાબતો વચ્ચે આજે 10 વિદ્યાર્થીઓને સસ્પેન્ડ કરતા હોબાળો મચી ગયો હતો. સૂત્રો પાસેથી મળેલી માહિતી પ્રમાણે વિદ્યાર્થીઓના WhatsApp પર સસ્પેન્ડના ઓર્ડર મોકલવામાં આવ્યા હતા.

DEOએ જણાવ્યું હતું કે, CBSC બોર્ડ વિશે નિર્ણય લેવાની સત્તા તેમના હાથમાં નથી. કારણ કે CBSC અને ગુજરાત બોર્ડ અલગ છે. આથી તેમણે સ્પષ્ટ જણાવ્યું હતું કે તેઓ આ બાબતે કોઈ નિર્ણય લઈ શકશે નહીં..