નવાગામ ડિંડોલી રોડ પર ઇશ્વરપુરા નજીક ચિંતાચોક પાસે 8થી 10 જણાએ સિટી બસને આંતરીને અટકાવીને ડ્રાઇવર સાથે ઝઘડો કરીને તુ બસ કેમ ઊભી રાખતો નથી એવું કહીને માર મારી બસનો કાચ ફોડી નાખ્યો હતો. ઘટનાની વિગતવાર માહિતી અનુશાર તેજસ પાટીલ નામનો સિટી બસ ડ્રાઇવર સવારે GJ -05-BX -3043 નંબરની બસ લઇને સ્ટેશનથી ડિંડોલી ગયો હતો. પરત ફરરતી વખતે નવાગામ ચિંતાચોક પાસે 8થી 10અજાણ્યા લોકોએ બસની આગળ આવીને બસ ઉભી રાખવા માટે કહ્યું ત્યાર બાદ તુ કેમ ચિંતાચોક પર બસ ઉભી રાખતો નથી એવું કહીને માર મારવાની શરુઆત કરી હતી. તેઓએ બસ પર પથ્થર મારીને બસનો કાચ ફોડી નાખ્યો હતો. તેજસ બસ લઈને આગળ વધી ગયો પરંતુ CNG ચાર રસ્તા પાસે તેજસે બસ ઊભી રાખીને બીજી બસના ડ્રાઇવર અને કંડક્ટરોનો વાત કરતા તમામ બસ ડ્રાઇવરો વિરોધ કરવા માટે બસ ત્યાંજ ઉભી રાખી ચક્કાજામ કરી દીધો હતો. ચક્કાજામના કારણે ટ્રાફિક પણ જામ થઈ ગયો હતો. પોલીસને ઘટનાની જાણ થતા પોલીસ સ્થળ પર પહોંચી ત્યારે તેજસે પોલીસને કહ્યું કે ચિંતા ચોક પાસે બસ ઊભી રાખીયેતો પોલીસ બસને દંડા મારે છે, ઉભી ન રાખીએ તો લોકો વિરોધ કરે છે. 2 કલાક બાદ પોલીસે ગુનો નોંધવાની વાત કરતા ડ્રાઇવરોએ બસો હટાવી લીધી હતી. ત્યાર બાદ પોલીસે અજાણ્યાઓ સામે ગુનો નોંધ્યો હતો.

Know more on www.khabarchhe.com
Follow US On:

Facebook - www.facebook.com/khabarchhe/
Twitter - www.twitter.com/khabarchhe
Instagram - www.instagram.com/khabarchhe/
Youtube - www.youtube.com/khabarchhe

Download Khabarchhe APP
www.khabarchhe.com/downloadApp

Watch City bus driver was beaten by the public in Surat With HD Quality.