മുരിങ്ങയില കൊണ്ട് കട്‌ലറ്റ്


സ്വാദിഷ്ടമായ മുരിങ്ങയില കട്‌ലറ്റ് ആരോഗ്യത്തിനും നല്ലത്



ഒരു പാന്‍ അടുപ്പില്‍ വെച്ച് ചൂടാവുമ്പോള്‍ ഇത്തിരി എണ്ണ ഒഴിക്കുക. അതില്‍നാലോ അഞ്ചോ അല്ലി ചെറുതായി അരിഞ്ഞ വെളുത്തുള്ളിയും വറ്റല്‍ മുളകും ഇടുക.വെളുത്തുള്ളിയുടെ കളര്‍ മാറണ്ട. ഇതിലേയ്ക്ക് വലിയ ഒരു സവോള ചെറുതായി അരിഞ്ഞതും ഉപ്പും ചേര്‍ത്ത് വഴറ്റുക. വഴന്നു വന്നാല്‍ അര ടീസ്പൂണ്‍ മുളകുപൊടിയും കാല്‍ ടീസ്പൂണ്‍ മഞ്ഞള്‍പൊടിയും കാല്‍ ടീസ്പൂണ്‍ ഗരംമസാല പൊടിയും ചേര്‍ത്ത് മൂന്നോ നാലോ മിനിറ്റ് വഴറ്റണം. ഇതിലേയ്ക്ക് മുരിങ്ങയില ചേര്‍ക്കാം.മുരിങ്ങയില വെന്താല്‍ പുഴുങ്ങി ഉടച്ച് വച്ചിരിക്കുന്ന രണ്ട് ഉരുളകിഴങ്ങ് ചേര്‍ക്കണം. നന്നായി മിക്‌സ് ചെയ്യുക. ഈ സമയത്ത് പാകത്തിന് ഉപ്പുണ്ടോ എന്നു നോക്കണം. ഇല്ലെങ്കില്‍ ചേര്‍ത്തുകൊടുക്കണം. ഇനി അടുപ്പില്‍ നിന്ന് മാറ്റി വെയ്ക്കാം. ഒന്നു തണുത്താല്‍ ചെറിയ ഉരുളകളാക്കി കൈയില്‍ വെച്ച് പരത്തി ഇഷ്ടമുള്ള ആകൃതിയില്‍ ആക്കി എടുക്കുക. ഇതു ഓരോന്നായി ആദ്യം മുട്ട പതപ്പിച്ചതിലും പിന്നെ റൊട്ടിപ്പൊടിയിലും മുക്കി എണ്ണയില്‍ വറുത്തെടുക്കണം..