અષાઢી બીજના દિવસે ઘણા શહેરોમાં ભગવાન જગન્નાથ, બહેન સુભદ્રા અને બલભદ્ર રથમાં બેસીને નગરચર્યા પર નીકળે છે, જેના ભાગરૂપે રથયાત્રાનું આયોજન કરવામાં આવે છે. ભગવાન જગન્નાથની રથયાત્રામાં મોટી સંખ્યામાં ભક્તો જોડાતા હોય છે. સુરતના સચીનમાં આવેલા GHB કનકપૂરમાં શ્રી જગન્નાથ મંદિર સેવા ટ્રસ્ટ ઉડિયા સમાજ દ્વારા ભગવાન જગન્નાથની યાત્રાનું આયોજન કરવામાં આવ્યું હતું. સૌપ્રથમ ભગવાનની પૂજા અર્ચના કરીને ભગવાન બલભદ્ર, બહેન સુભદ્રા અને ભગવાન જગન્નાથને રથમાં બેસાડવામાં આવ્યા હતા.

ભગવાનને રથમાં બેસાડી ઉપસ્થિત મહેમાનો દ્વારા ભગવાનની પૂજા અર્ચના વિધિવત રીતે કરીને ભગવાનનો જયઘોશ બોલાવવામાં આવ્યો હતો. રથયાત્રા પહેલા ભક્તો માટે પ્રસાદનું પણ આયોજન કરવામાં આવ્યું હતુ. ભગવાન જગન્નાથની યાત્રા કૃષ્ણકુંજ સોસાયટીથી રાજમાર્ગ, રંગઅવધૂત સોસાયટી, સ્ટેશન રોડ, વાંજ ત્રણ રસ્તા, સચીનગામ રામ મંદિર, ત્યાંથી સ્લમબોર્ડમાં મૌસીમાં મંદિરમાં ભગવાન જગન્નાથની યાત્રા પૂર્ણ થશે અને 9 દિવસ સુધી ભગવાન જગન્નાથનું પૂજા અર્ચના મૌસીમાં મંદિરમાં કરવામાં આવશે અને 9 દિવસ પછી ભગવાનની બહુડા યાત્રા કાઢવામાં આવશે. ભાગવાન જગન્નાથની યાત્રામાં કોઈ અનિચ્છનીય ઘટના ન બને તેવા હેતુથી ચુસ્ત પોલીસ બંદોબસ્ત ગોઠવી દેવામાં આવ્યો હતો.

Know more on www.khabarchhe.com
Follow US On:

Facebook - www.facebook.com/khabarchhe/
Twitter - www.twitter.com/khabarchhe
Instagram - www.instagram.com/khabarchhe/
Youtube - www.youtube.com/khabarchhe

Download Khabarchhe APP
www.khabarchhe.com/downloadApp

Watch Shri Bhagvan Jagannath Mandir Seva Trust Udiya Samaj held Rath Yatra With HD Quality.