' സാലറി ചലഞ്ച് ' ഏറ്റെടുത്ത് ഗവര്‍ണറും ഡിജിപിയും



കേരളത്തെ പ്രളയക്കെടുതിയില്‍ നിന്ന് കരകയറ്റാന്‍ ആണ് മുഖ്യമന്ത്രി സാലറി ചലഞ്ച് അവതരിപ്പിച്ചത്




മുഖ്യ മന്ത്രി പിണറായി വിജയന്‍ മുന്നോട്ട് വച്ച സാലറി ചലഞ്ച് ഏറ്റെടുത്തിരിക്കുകയാണ് ഡിജിപിയും ഗവര്‍ണറും.പ്രളയക്കെടുതിയില്‍ നിന്നും കേരളത്തെ കരകയടറ്റുവാന്‍ മുഖ്യമന്ത്രി പിണറായി വിജയന്‍ മുന്നോട്ട് വച്ച സാലറി ചലഞ്ചാണ് ഡിജിപി ലോക്നാഥ് ബഹ്രയും ഗവര്‍ണ്ണര്‍ പി സദാശിവവും ഏറ്റെടുത്തത്. കേരളത്തിന്‍റെ പുനര്‍നിര്‍മ്മാണത്തിന് ഒരു മാസത്തെ ശമ്പളം നല്‍കുമെന്ന് ജസ്റ്റിസ് പി. സദാശിവം പറഞ്ഞു.മുഖ്യമന്ത്രിയുടെ ആശയം മികച്ചതാണെന്നും അദ്ദേഹം പറഞ്ഞു.ഇന്ന് തന്നെ ഗവര്‍ണ്ണര്‍ പണം മുഖ്യമന്ത്രിക്ക് കൈമാറും.കേരളത്തിന് അര്‍ഹമായ സഹായം നല്‍കുമെന്ന് പ്രധാനമന്ത്രി ഉറപ്പ് നല്‍കി. ഇപ്പോള്‍ കിട്ടിയത് താല്‍കാലിക സഹായം മാത്രമാനെനും അദ്ദേഹം പറഞ്ഞു.ഒരു മാസത്തെ തന്റെ ശമ്പളം ഒരുമിച്ച് നല്‍കുമെന്ന് ഡിജിപി അറിയിച്ചു. തന്റെ പല സഹപ്രവര്‍ത്തകരും ചലഞ്ച് ഏറ്റെടുത്തിട്ടുണ്ടെന്നും അദ്ദേഹം അറിയിച്ചു. നിരവധി പ്രമുഖര്‍ ഉള്‍പ്പെടെ ഉള്ളവര്‍ മുഖ്യമന്ത്രിയ്ക്ക് പിന്തുണയുമായി രംഗത്തെത്തിയിട്ടുണ്ട്. മലയാളികള്‍ ഒരു മാസത്തെ ശമ്പളം നല്‍കിയാല്‍ കേരളം പ്രളയക്കെടുതിയില്‍ നിന്നും കരകയറുമെന്ന് മുഖ്യമന്ത്രി ഞായരഴ്ചയാണ് അറിയിച്ചത്..