Visit our Website : https://tv11news.com/
ప్రెస్‌మీట్‌ నోట్‌
ప్రభుత్వ నిర్భంధాన్ని ఎదుర్కొని విజయం సాధించిన సమ్మెపోరాటాలు
` సిహెచ్‌ నర్శింగరావు
రాష్ట్రంలో అంగన్వాడీ, మున్సిపల్‌, సమగ్రశిక్షా ఉద్యోగులు, కార్మికులు పెద్దఎత్తున సమ్మె చేసారు. ఈ సమ్మెను విచ్ఛిన్నం చేయడానికి ప్రభుత్వం శతవిధాలా ప్రయత్నించి చివరికి ఉద్యోగాలు తొలగించడానికి పూనుకున్నా ఈ మూడు రంగాల కార్మికులు ఐక్యంగా పోరాడి విజయం సాధించారని సిఐటియు రాష్ట్ర ప్రధాన కార్యదర్శి సిహెచ నరసింగారావు తెలిపారు.
జగదాంబ వద్ద గల సిఐటియు ఆఫీస్‌లో సిఐటియు విశాఖ జిల్లా కమిటీ ప్రెస్‌ మీట్‌ నిర్వహించింది. ఈ ప్రెస్‌మీట్‌లో నరసింగరావు పాల్గొని మాట్లాడుతూ రాష్ట్రవ్యాప్తంగా ఒకలక్ష ఎనిమిదివేల మంది అంగన్వాడీ ఉద్యోగులు 43రోజులు పాటు ఐక్యంగా ఉద్యమించారన్నారు. వీరి పోరాటాన్ని ప్రారంభం నుండి అణిచివేయడానికి రాష్ట్ర వైసిపి ప్రభుత్వం ప్రయత్నాలు చేసిందన్నారు. ప్రారంభంలో సచివాలయ సిబ్బంది ద్వారా అంగన్వాడీ సెంటర్లను తెరిపించడానికి చేసిన ప్రయత్నాలు ఫలించకపోవడంతో అంగన్వాడీలు ఉద్యోగాల్లో చేరకపోతే ఎస్మా చట్టాన్ని ప్రయోగిస్తామని చట్టాన్ని తెచ్చింది. పోరాటం మరింత ఉధృతం కావడంతో వారి ఉద్యోగాలు తొలగిస్తామని బెదిరించడం, నోటీసులు జారీచేయడం చేసింది. చలో విజయవాడకు రాకుండా అడ్డుకుంది. అయినా ప్రభుత్వం అంగన్వాడీల పోరాటానికి దిగి రాకతప్పలేదన్నారు. ఈ పోరాటంలో అంగన్వాడీలకు జీతాలను జూలై నుండి అమలు జరుపుతామని హామీ ఇచ్చింది. మినీ సెంటర్లును మెయిన్‌ సెంటర్లగా మార్చడంతో పాటు అనేక డిమాండ్లను సాధించుకున్నారు.
మున్సిపల్‌ సమ్మె 16రోజులు పాటు జరిగింది. రాష్ట్రంలో సుమారు 46వేల మంది పాల్గొన్నారు. వీరికిచ్చే హెల్త్‌ అలవెన్సు రెగ్యులర్‌ జీతంలో కలిపి ఇస్తామని, పండగ బోనస్‌తో పాటు ఇతర హక్కులను సాధించుకున్నారు. సమగ్రశిక్ష ఉద్యోగులు 30వేల మంది పోరాడి తమ హక్కులను సాధించుకున్నారు. రాష్ట్ర వైసిపి ప్రభుత్వం సమ్మెలో ఉన్న వారిని తొలగిస్తామని చెప్పడమే కాకుండా వారితో చర్చించమని మొండికేసినప్పటికీ ఉద్యమాలు, పోరాటాలు ఫలితంగా రాష్ట్ర ప్రజలు, కార్మిక, ప్రజాసంఘాలు మద్దతు పెరగడంతో ప్రభుత్వం దిగరాకతప్పలేదన్నారు. పోరాటాల ద్వారానే హక్కులు సాధించుకోగలమని చాటి చెప్పారన్నారు.
ఈ ప్రెస్‌మీట్‌లో సిఐటియు అధ్యక్ష, ప్రధాన కార్యదర్శులు కె.ఎం.శ్రీనివాసరావు, ఆర్‌.కె.ఎస్‌.వి.కుమార్‌, .