ఎస్సార్ నగర్ పోలీస్ స్టేషన్ పరిధిలో గత నెల జులై 27వ తేదీన రాత్రి 11 గంటలకు కాశీ విశ్వేశ్వర బాయ్స్ హాస్టల్లో హత్య జరిగిన విషయం తెలిసిందే.
హాస్టల్ లోని రూమ్ నంబర్ 10 లో ఉండే గణేష్ అనే వ్యక్తి హాస్టల్లోనే కింద మంగల్ షాప్ లో పనిచేసేవాడు. గణేష్ కు మద్యం అలవాటు ఉంది.
రోజూ మద్యం సేవించి.. తన రూం లోనే ఉండే వెంకటరమణతో గొడవ పడేవాడు. వెంకటరమణ
రవీంద్ర భారతి స్కూల్లో టీచర్ గా పని చేస్తున్నాడు.
మద్యం తాగి..రోజూ రూమ్ లో ఉండే వారితో గొడవ పడి.. భయభ్రాంతులను గురి చేసేవాడు. ఈ నేపథ్యంలో..
జులై 27 తేది రాత్రి 11 గంటల సమయంలో వెంకట్ రమణతో గొడవ పడి.. కత్తితో గొంతు పైన కడుపు పైన పొడవడంతో కుప్పకూలిన వెంకటరమణ
ప్రాణాలు విడిచాడు. దీంతో అప్పటి నుంచి పరారీలో ఉన్న గణేష్.. సోమవారం ఉదయం మూసాపేట్ వై జంక్షన్ దగ్గర తిరుగుతున్నాడని సమాచారం రావడంతో పోలీసులు అతడిని పట్టుకున్నారు.
గతంలో కూడా ఇతనిపై దొంగతనం కేసులు కూడా ఉన్నాయని విచారణలో తేలింది.
ఎక్కడ కూడా మూడు నెలల కన్నా పని చేసేవాడు కాదని ఏసీపీ వెంకటరమణ తెలిపారు. ఇతనిపై ఏలూరు లో కూడా పలు కేసులు ఉన్నాయని తెలిసింది. SR Nagar పోలీసులు నిందితుడిని రిమాండ్ కు తరలించారు. ఈ విలేకరుల సమావేశంలో ACP వెంకటరమణ తో పాటు..ఇన్స్పెక్టర్ శ్రీ నాధ రెడ్డి, పోలీసు అధికారులు పాల్గొన్నారు.

SR NAGAR POLICE ARREST ACCUSED GANESH IN MURDER OF TEACHER VENKAT RAMNA ACP SR NAGAR MEDIA CONFRENCE.