వరంగల్ జిల్లా స్టాఫ్ రిపోర్టర్ నవీన్ కుమార్. రాజీవ్ గాంధీకి నివాళులు అర్పించిన మంత్రి జూపల్లి
మాజీ ప్రధాని స్వర్గీయ రాజీవ్‌ గాంధీ జయంతి సందర్భంగా మంగళవారం వరంగల్ పట్టణంలోని రాజీవ్‌గాంధీ విగ్రహానికి ఎక్సైజ్, పర్యాటక, సాంస్కృతిక శాఖ మంత్రి జూపల్లి కృష్ణారావు పూలమాల వేసి ఘన నివాళులర్పించారు.

ఈ సందర్భంగా మంత్రి జూపల్లి మాట్లాడుతూ..రాజీవ్‌ గాంధీ ప్రధానిగా ఉన్న సమయంలో బడుగు, బలహీనవర్గాల అభ్యున్నతికి ఎనలేని కృషిచేశారని కొనియాడారు.ప్రస్తుతం దేశ ప్రజలు అనుభవిస్తున్న సాంకేతికకు రాజీవ్‌ గాంధీ ఆద్యుడని తెలిపారు.

ఈ కార్యక్రమంలో పర్యాటక అభివృద్ధి సంస్థ చైర్మన్ పటేల్ రమేష్ రెడ్డి, ఎమ్మెల్సీ బస్వరాజ్ సారయ్య, వరంగల్ (వెస్ట్) ఎమ్మెల్యే నాయిని రాజేందర్ రెడ్డి, వర్ధన్నపేట ఎమ్మెల్యే నాగరాజు, వరంగల్ ఎంపీ కడియం కావ్య, ఇతర ప్రజాప్రతినిధులు పాల్గొన్నారు.

Minister Jupalli Pays Tribute to Rajiv Gandhi On Occasion of His Birth Anniversary.