వైఎస్సార్సీపీ నాయకుడు, బాపట్ల మాజీ ఎంపీ నందిగం సురేష్ ను పోలీసులు అరెస్ట్ చేశారు. గుంటూరు జిల్లా మంగళగిరిలోని టీడీపీ కేంద్ర కార్యాలయంపై దాడి కేసులో ఆయనపై కేసు నమోదైన విషయం తెలిసిందే. ఈ కేసులో ముందస్తు బెయిల్ మంజూరు చేయాలని నందిగం సురేష్ దాఖలు చేసిన పిటిషన్ను హైకోర్టు కొట్టేసింది.

పట్టుకుంటారనే భయంతో స్విచ్ ఆఫ్ చేసి..సురేశ్ అజ్ఞాతవాసం లోకి వెళ్లిపోయారు.
హైదరాబాదు వెళ్లి..అక్కడి నుంచి పారిపోయేందుకు సురేష్ ప్రయత్నిస్తున్నారనే పక్కా సమాచారం పోలీసులకు అందింది. దీంతో హైదరాబాద్ వెళ్లిన ప్రత్యేక బలగాలు సురేష్ను అరెస్ట్ చేసి మంగళగిరి తరలించారు. మరోవైపు ఈ కేసులో నిందితులుగా ఉన్న వైఎస్సార్సీసీ నాయకులంతా అజ్ఞాతంలోకి వెళ్లిపోయారు. లేళ్ల అప్పిరెడ్డి, దేవినేని అవినాష్, తలశిల రఘురామ్, తదితరుల కోసం గుంటూరు, బాపట్ల, పల్నాడు జిల్లాలలో పోలీసులు 12 బృందాలతో గాలింపు చర్యలు చేపట్టారు.
నందిగాం సురేష్.. అమరావతి అరటి తోటలు కాల్చిన ఘటనలో నిందితుడు.

AP Police Arrested YSRCPLeader,Former Bapatla MP Suresh inHyderabad Mangalagiri TDPOffice AttackCase.