दक्षिण गोव्यातील धार्मिक स्थळांची तोडफोड प्रकरण
आमदार काब्राल यांनी घेतला सत्यशोधन समितीचा खरपूस समाचार
सत्यशोधन समितीला तपास करण्याचा अधिकार कोणी दिला?
आमदार नीलेश काब्राल यांचा प्रतिसवाल

दक्षिण गोव्यातील धार्मिक स्थळांची तोडफोड झाल्यानंतर पोलिसांच्या तपासावर चर्चप्रणित सत्यशोधन समितीनं प्रश्नचिन्ह उभं केलं होतं. या प्रकारावर भाजपचे आमदार नीलेश काब्राल यांनी बुधवारी पत्रकार परिषद घेऊन खरपूस समाचार घेतला. राज्यात अत्यंत जबाबदार तपास यंत्रणा अतिशय सक्रीय असताना कोणीतरी सत्यशोधन समिती गठीत करून या यंत्रणेबद्दल गैरसमज पसरवत आहे. ही समिती स्थापन करण्याचा अधिकार संबंधितांना कोणी दिला, असा संतप्त सवाल कुडचडेचे आमदार नीलेश काब्राल यांनी विचारलाय. भाजपच्या पणजीतील मुख्य कार्यालयात झालेल्या पत्रकार परिषदेत ते बोलत होते. पोटनिवडणुकीच्या काळात निव्वळ मतांचं ध्रुवीकरण करण्यासाठीच हा अहवाल जाहीर करण्यात आला, असाही आरोपही आमदार काब्राल यांनी यावेळी केला.

Watch NILESH CABRAL QUESTIONS FINDING COMMITTEE ON CROSS VANDALISM With HD Quality.