ശാരദാ ചിട്ടി തട്ടിപ്പ് : മമത പെട്ടത് എങ്ങിനെ ?

കേസിൽ തൃണമൂൽ കോൺഗ്രസിന്റെ മന്ത്രിസഭാംഗങ്ങൾക്കും എംപിമാർക്കും നേതാക്കൾക്കും പങ്കുണ്ടെന്ന വാർത്തയും പുറത്ത് വരികയായിരുന്നു


കോടിക്കണക്കിനു രൂപ തട്ടിയെടുത്തു മുങ്ങിയ ശാരദാ ചിട്ടി തട്ടിപ്പ് കേസിൽ മമത ബാനർജി പെട്ട് പോയത് എങ്ങിനെയാണ് .നിക്ഷേപിച്ചാൽ വൻതോതിൽ കാശ് മടക്കിക്കിട്ടുമെന്നു പാവപ്പെട്ടവരെ വിശ്വസിപ്പിച്ചു കോടിക്കണക്കിനു രൂപ തട്ടിയെടുത്തു മുങ്ങയ ശാരദാ ചിട്ടി തട്ടിപ്പ്കേസ് . 20,000–30,000 കോടി രൂപയാണ് ബംഗാളിലും അസമിലും ഒഡീഷയിലുമായി ഇങ്ങനെ തട്ടിയെടുത്തതെന്നാണ് ആരോപണം. പണമിടപാടു സ്‌ഥാപനങ്ങളിൽനിന്ന് ആയിരക്കണക്കിനു കോടികൾ വാങ്ങി.2013ൽ ശാരദ ചിട്ടി തട്ടിപ്പു പുറത്തുവരികയും ഭരണകൂടമായ തൃണമൂൽ കോൺഗ്രസിന്റെ മന്ത്രിസഭാംഗങ്ങൾക്കും എംപിമാർക്കും നേതാക്കൾക്കും പങ്കുണ്ടെന്ന വാർത്തയും പുറത്ത് വരികയായിരുന്നു .അതോടെ കേസ് തിരഞ്ഞെടുപ്പിനെ ബാധിക്കാതിരിക്കാൻ പരിശ്രമിക്കുകയായിരുന്നു മമതയും കൂട്ടരും . ഇത്തവണ ലോക്സഭാ തിരഞ്ഞെടുപ്പിന്റെ പടിവാതിലിൽ നിൽക്കുമ്പോഴും സിബിഐയുമായുള്ള തുറന്ന ഏറ്റുമുട്ടലിലൂടെ മമത ലക്ഷ്യമിടുന്നതും ബിജെപിയുടെ കുതിച്ചുകയറ്റം തടയുക എന്നതാണ് . ബംഗാളിന്റെ രാഷ്ട്രീയഭാവി തന്നെ നിർണയിക്കാനിടയുള്ള ഈ യുദ്ധത്തിൽ സിപിഎം ഒഴികെ വിശാല പ്രതിപക്ഷ സഖ്യത്തിന്റെ പിന്തുണ അകമഴിഞ്ഞു ലഭിക്കുമെന്ന പ്രതീക്ഷയിലാണ് മമത.
യുപിഎ സർക്കാർ അധികാരത്തിലിരുന്നപ്പോൾ ശാരദ തട്ടിപ്പ് കേസിൽ ഊർജിത അന്വേഷണം നടത്തണമെന്ന് ആവശ്യപ്പെട്ടിരുന്നു. പിന്നാലെ സിബിഐ അന്വേഷണത്തിന് സുപ്രീം കോടതി ഉത്തരവിടുകയും ചെയ്തു.അന്ന് മമതയ്ക്കെതിരെ നിന്ന കോൺഗ്രസാണ് ഇന്ന് പിന്തുണയുമായി രംഗത്തുണ്ട് എന്നത് ശ്രദ്ധേയമാണ് . സിബിഐ, എൻഫോഴ്സ്മെന്റ് ഡയറക്ടറേറ്റ് (ഇഡി) തുടങ്ങിയ അന്വേഷണ ഏജൻസികളെ കൂട്ടുപിടിച്ച് കേന്ദ്രസർക്കാർ ബിജെപി ഭരണത്തിലില്ലാത്ത സംസ്ഥാനങ്ങളെ തകർക്കാനുള്ള ശ്രമമാണെന്നാണു കോൺഗ്രസ് ഉൾപ്പെടെയുള്ള പ്രതിപക്ഷത്തിന്റെ ആരോപണം.മമതയ്ക്ക് പിന്തുണ നൽകുന്നതിലൂടെ സാഹചര്യം മാറിയത് കോൺഗ്രസും മനസ്സിലാക്കുന്നുവെന്നാണ് എതിർ പരീക്ഷത്തിന്റെ ആരോപണം .ഇപ്പോൾ കൊൽക്കത്ത കമ്മിഷണർ രാജീവ് കുമാർ സിബിഐക്കു മുന്നിൽ ഹാജരാകണമെന്ന സുപ്രീംകോടതി വിധി വന്നത് കേസിൽ സമരം തുടരുന്ന മമത ബാനർജിക്കു തിരിച്ചടിയായി .തട്ടിപ്പുകേസിൽ സുപ്രീം കോടതിയുടെ നിർദേശപ്രകാരം സംസ്ഥാന സർക്കാർ നിയോഗിച്ചിരുന്ന സംഘത്.