സൂര്യനെ തടുക്കുന്ന പർവ്വതങ്ങളുടെ നടുവിലെ നഗരം

ചരിത്ര സ്മാരകങ്ങൾ കൊണ്ടും ക്ഷേത്രങ്ങൾ കൊണ്ടും ഒക്കെ പ്രസിദേധമായ, കാടിനു നടുവിൽ സ്ഥിതി ചെയ്യുന്ന ഒരു പ്രദേശമാണ് പോളോ ഫോറസ്റ്റ്

ആകാശത്തോളം ഉയർന്നു നിൽക്കുന്ന പർവ്വതങ്ങൾ...അതിനു കൂട്ടായി തലയുയർത്തി നില്‍ക്കുന്ന കൊടുങ്കാടുകളും..ഗുജറാത്തിന്റെ കഥ പറയുന്ന പോളോ ഫോറസ്റ്റിന്റെ വിശേഷങ്ങൾ...

..നാളുകളോളം മനുഷ്യസ്പര്‍ശം പോലും പതിയാതിരുന്ന പ്രദേശം.... കാടിനു നടുവിൽ ആരും അറിയാതെ കിടക്കുന്ന ഒരു നഗരത്തിന്റെ കാഴ്ചകൾ കാലങ്ങളോളം മറച്ചുവെച്ച പോളോ ഫോറസ്റ്റ് ഇന്നു ഗുജറാത്തിന്റെ ചരിത്രം തിരഞ്ഞെത്തുന്ന സഞ്ചാരികളുടെ ഇഷ്ട സ്ഥലമാണ്. ഒരു പുരാതന നഗരത്തിന്റെ എല്ലാ പ്രത്യേകതകളുമായി നിൽക്കുന്ന പോളോ ഫോറസ്റ്റിന്റെ കഥ കേൾക്കേണ്ടതു തന്നെയാണ്.
ഒട്ടേറെ ചരിത്ര സ്മാരകങ്ങൾ കൊണ്ടും ക്ഷേത്രങ്ങൾ കൊണ്ടും ഒക്കെ പ്രസിദേധമായ, കാടിനു നടുവിൽ സ്ഥിതി ചെയ്യുന്ന ഒരു പ്രദേശമാണ് പോളോ ഫോറസ്റ്റ്. ഒരു കാലത്ത് നിലനിന്നിരുന്ന സംസ്കാരത്തിന്റെ അടയാളങ്ങളാണ് ഇവിടെയുള്ളത്. വിജയനഗരത്തിലെ കാടിനുള്ളിലാണ് ഇത് സ്ഥിതി ചെയ്യുന്നത്. ഏകദേശം 400 കിലോമീറ്റർ ചുറ്റളവിൽ പരന്നു കിടക്കുന്ന ഇലപൊഴിയും വനമാണിത്. പോളോ എന്നാൽ കവാടം എന്നാണ് അർഥ. പോൾ എന്ന മാർവാടി വാക്കിൽ നിന്നുമാണ് പോളോ എന്ന വാക്കുണ്ടാവുന്നത്.
ഗുജറാത്തിനും രാജസ്ഥാനും ഇടയിലുള്ള പ്രവേശന കവാടം എന്നാണ് ഇതുകൊണ്ട് അർഥമാക്കുന്നത്.
ഗുജറാത്തിലെ സബർകാന്ത ജില്ലയിൽ വിജയനഗർ താലൂക്കിൽ അബൻപൂർ ഗ്രാമത്തിലാണ് പ്രശസ്തമായ പോളോ ഫോറസ്റ്റ് സ്ഥിതി ചെയ്യുന്നത്. ആരവല്ലി പർവ്വത നിരകളുടെ താഴ്വാരത്തിലുള്ള ഈ കാട് ഹർനവ് നദിയോട് ചേർന്നാണ് കിടക്കുന്നത്.വർഷത്തിൽ എപ്പോൾ വേണമെങ്കിലും സന്ദർശിക്കുവാൻ പറ്റുന്ന ഇടമാണെങ്കിലും മഴക്കാലം കഴിഞ്ഞുള്ള സമയത്ത് സന്ദര്‍ശിക്കുന്നതായിരിക്കും മികച്ച അനുഭവം നല്കുക. മഴയിൽ ഈ കാട് പൂത്തു തളിർത്തു നിൽക്കുന്ന മനോഹരമായ കാഴ്ച കാണുവാൻ സാധിക്കും. സെപ്റ്റംബർ മുതൽ ഡിസംബർ വരെയാണ് ഇവിടം സന്ദർശിക്കുവാൻ ഏറ്റവും യോജിച്ച സമയം.
അത്യപൂർവ്വമായ ജൈവവൈലിധ്യം കൊണ്ട് സമ്പന്നമായ പ്രദേശമാണിത്.
450 ൽ അധികം തരത്തിലുള്ള ഔഷധ സസ്യങ്ങൾ, 275 തരം പക്ഷികൾ, മുപ്പതിലധികം സസ്തനികൾ, കൂടാതെ വ്യത്യസ്തങ്ങളായ ഉരഗജീവികൾ, വന്യമൃഗങ്ങൾ ഒക്കെയും ഇവിടെ കാണുവാൻ സാധിക്കും. തണുപ്പു കാലങ്ങളിൽ ദേശാടന പക്ഷികളും ഇവിടെ എത്താറുണ്ട്.പോളോ ഫോറസ്റ്റിന്റെ.