ഐസ്‌ലാൻഡ്

യൂറോപ്പിലെ തന്നെ ഏറ്റവും വലിയ ഗ്ലേസിയര്‍ വട്‌നയോകുല്‍ സ്ഥിതി ചെയുന്നത് ഐസ്‌ലന്‍ഡിലാണ്

വടക്കൻ യൂറോപ്പിലെ അറ്റ്‌ലാന്റിക് സമുദ്രത്തിലെ ഒരു ദ്വീപ് രാജ്യമാണ് ഐസ്ലാൻഡ് .[1] റെയിക്‌ ജാവിക് ആണ്‌ തലസ്ഥാനം. അഗ്‌നിപര്‍വ്വതങ്ങള്‍, ഗെയ്‌സറുകള്‍, ചൂട് നീരുറവകള്‍, ലാവ വയലുകള്‍ എന്നിവയടങ്ങിയ അതിശയകരമായ പ്രകൃതിദൃശ്യങ്ങൾ ഐസ്ലാൻഡിൽ കാണാം . 3,35,000 ആണ് ജനസംഖ്യ. ഐസ്‌ലന്റിന്റെ ജിയോളജിയാണ് യാത്രികരെ ഇങ്ങോട്ടു ആകര്‍ഷിക്കുന്നത് . വളരെ മനോഹാരമായ വെള്ളച്ചാട്ടങ്ങളും, അഗ്‌നിപര്‍വ്വതങ്ങളും, ലാവാ ഫീല്‍ഡും, ടെക്ടോണിക് പ്ലേറ്റ്‌സ് സെപ്പറേഷനും, ഹോട് സ്പ്രിങ്‌സും, ഗെയിസിറും, ബ്ലാക്ക് സാന്‍ഡ് ബീച്ചുകളും, ഐസ്ബര്‍ഗുകളും, ബ്ലൂ ലഗൂണ്‍ , സീല്‍ വാച്ചിങ്ങും, ഭൂ പ്രകൃതിയുള്ള ഹൈലാന്‍ഡ് റീജിയനും, ബേര്‍ഡ് വാച്ചിങ്ങും അതില്‍ പ്രധാനപ്പെട്ടതാണ്.യാത്ര ചെയ്യാന്‍ വളരെ ചെലവ് കൂടിയ രാജ്യമാണ് ഐസ്‌ലാന്‍ഡ്.ഐസ്‌ലാന്‍ഡ് എന്ന ദ്വീപ് രാജ്യത്തിലെ പ്രധാനപ്പെട്ട ഹൈവേ ആണ് റിങ് റോഡ്.ഐസ്‌ലന്‍ഡിനെ ചുറ്റി വരുന്നത് കൊണ്ടാണ് ഇതിനെ റിങ് റോഡ് എന്ന് വിളിക്കുന്നത്. ഐസ്‌ലന്റിലെ എല്ലാ പ്രകൃതി വിസ്മയങ്ങളുടെയും ഭൂരി ഭാഗവും റിങ് റോഡിലൂടെയുള്ള യാത്രക്കിടയില്‍ കാണാന്‍ സാധിക്കും. ഏകദേശം 130 ഓളം അഗ്‌നി പര്‍വ്വതങ്ങളുണ്ട് ഈ രാജ്യത്തില്‍ . യൂറോപ്പിലെ തന്നെ ഏറ്റവും വലിയ ഗ്ലേസിയര്‍ (glacier ) ആയ വട്‌നയോകുല്‍ ( Vatnajökull ) സ്ഥിതി ചെയുന്നത് ഐസ്‌ലന്‍ഡിലാണ്. പല അഗ്‌നിപര്‍വ്വതങ്ങളും ഈ മഞ്ഞുപാളികള്‍ക്കടിയില്‍ ആണെന്നത് കൗതകകരമായ വസ്തുതയാണ്. റിങ് റോഡിലൂടെയുള്ള യാത്രക്കിടെ അഗ്‌നിപര്‍വതങ്ങളില്‍ നിന്നും കുത്തിയൊലിച്ചിറങ്ങിയ ലാവ കടലിലേക്കു ഒഴുകിയിറങ്ങിയ കാഴ്ചകളും കാണാം.130 ഓളം അഗ്‌നി പര്‍വ്വതങ്ങളും, അതില്‍ നിന്നും പൊട്ടിയൊലിചുണ്ടായ ലാവാ ഫീല്‍ഡ്‌സും, ഗ്ലാസ്സിറുകളും ഐസ്‌ലന്‍ഡിനു നല്‍കിയ വിശേഷണം ആണ് 'ലാന്‍ഡ് ഓഫ് ഐസ് ആന്‍ഡ് ഫയര്‍'.ഐസ്‌ലന്റില്‍ 4 വര്‍ഷങ്ങലിലൊരിക്കൽ അഗ്‌നിപര്‍വത സ്‌ഫോടനം നടക്കാറുണ്ട്. 2010 ലെ അഗ്‌നിപര്‍വത സ്‌ഫോടനം യൂറോപ്പിലെ വ്യോമഗതാഗതത്തെ മുഴുവനായും സ്തംഭിപ്പിച്ചു. തലസ്ഥാനനഗരമായ റെയിക്‌ ജാവിക് സിറ്റി പണിതുയര്‍ത്തിയിരിക്കുന്നത് ലാവാ ഫീല്‍ഡില്‍ ആണ് . ഇവിടുത്തെ ജനങ്ങളുടെ അധ്വാനമാണ് ഐസ്‌ലന്റിനെ വികസിത രാജ്യമാക്കിയത്. പ്രകൃതിയോടു ഇണങ്ങി ജീവിക്കുന്ന ഇവർ തങ്ങളുടെ നാടിനെ വളരെ വൃത്തിയോടെ സൂക്ഷിക്കുന്നവരാണ് . ഐസ്.