മറക്കാന്‍ പാടില്ല ഈ രക്ഷകരെ

40,000ത്തോളം വരുന്ന പോലീസ് സേനയും 3200ഓളം വരുന്ന ഫയര്‍ഫോഴ്സ് അംഗങ്ങളും രക്ഷാപ്രവര്‍ത്തനത്തില്‍ പങ്ക് വഹിച്ചു


രക്ഷാ പ്രവര്‍ത്തനത്തെ മുന്നോട്ടുകൊണ്ടുപോകുന്നതിന് സഹായകമായ ചില ഘടകങ്ങളുണ്ട്. പ്രത്യേക നിയമസഭാ സമ്മേളനതില്‍ മുഖ്യമന്ത്രിയുടെ വാക്കുകളിലൂടെ പ്രളയത്തെ അതിജീവിച്ച രക്ഷ പ്രവര്‍ത്തനത്തില്‍ ഒന്നാമതായി പറയേണ്ട ഘടകമാണ് പോലീസിനെ രക്ഷാ പ്രവര്‍ത്തനത്തിന്റെ ചുമതല ഏല്‍പ്പിച്ചു എന്നതാണ്. സൈന്യത്തിനെ കൃത്യസമയത്ത് ആവശ്യപ്പെടുകയും അവയെ ഫലപ്രദമായി വിന്യസിക്കുന്നതിനും സാധിച്ചതും പ്രധാനമാണ്. ആര്‍മി, എയര്‍ഫോഴ്സ്,നാവികസേന,കോസ്റ്റ്ഗാര്‍ഡ് എന്‍.ഡി.ആര്‍.എഫ്,ബി.എസ്.എഫ്,സി.ആര്‍.പി.എഫ്,ഐ.ടി.ബി.എഫ് എന്നീ കേന്ദ്രസേനകളില്‍നിന്നായി7443 പേരാണ് അണിനിരന്നത്. വനം,എക്സൈസ്, ജയില്‍,മോട്ടോര്‍ വാഹന വകുപ്പുകളിലെ ജീവനക്കാരും റവന്യൂ വകുപ്പിലെ ജീവനക്കാരും രക്ഷാ പ്രവര്‍ത്തനങ്ങളില്‍ ഒപ്പം ചേര്‍ന്നു. ഇതോടൊപ്പം, നാട്ടുകാരും ചേര്‍ന്നതോടെയാണ് രക്ഷാപ്രവര്‍ത്തനം സജീവമായത്.പോലീസിന്റെയും സൈന്യത്തിന്റെയും ജില്ലാ ഭരണകൂടത്തിന്റെയും ഏകോപനം ഉറപ്പുവരുത്തുന്ന തരത്തില്‍ സംസ്ഥാന തലത്തില്‍ രാവിലെയും വൈകുന്നരേവും നടന്ന അവലോകന യോഗങ്ങളും ഇത്തരം പ്രവര്‍ത്തനങ്ങളുടെ കാര്യക്ഷമത ഉറപ്പുവരുത്തി. മത്സ്യതൊഴിലാളികളെ രക്ഷാ പ്രവര്‍ത്തനത്തിന് നിയോഗിക്കുക എന്ന സുപ്രധാനമായ തീരുമാനവും രക്ഷാ പ്രവര്‍ത്തനത്തെ ലക്ഷ്യത്തിലേക്കെത്തിക്കുന്നതിന് സുപ്രധാന ഘടകമായി. സര്‍ക്കാര്‍ സംവിധാനങ്ങളും സന്നദ്ധ സംഘടനകളും ബഹുജനങ്ങളും തമ്മില്‍ വിളക്കിച്ചേര്‍ത്തുകൊണ്ടുള്ള ശൈലി രക്ഷാ പ്രവര്‍ത്തനത്തിന്റെ കരുത്ത് വര്‍ദ്ധിപ്പിച്ചു.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

important factors of kerala flood rescue opertions.