താറാവുകള്‍ ഓക്‌സിജന്റെ അളവ് വര്‍ദ്ധിപ്പിക്കും; ബിപ്ലവ്; അടപടലം ട്രോൾ

താറാവുകള്‍ ജലം ശുദ്ധീകരിക്കുകയും, വെള്ളത്തിലെ ഓക്‌സിജന്റെ അളവ് വര്‍ദ്ധിപ്പിക്കുമെന്നുമാണ് ബിപ്ലബിന്റെ പുതിയ കണ്ടെത്തല്‍


പ്രധാനമന്ത്രി താക്കീത് ചെയ്തിട്ടും വീണ്ടും മണ്ടന്‍ പ്രസ്താവനയുമായി ത്രിപുര മുഖ്യമന്ത്രി ബിപ്ലബ് കുമാര്‍. താറാവുകള്‍ ജലം ശുദ്ധീകരിക്കുകയും, വെള്ളത്തിലെ ഓക്‌സിജന്റെ അളവ് വര്‍ദ്ധിപ്പിക്കുമെന്നുമാണ് ബിപ്ലബിന്റെ പുതിയ കണ്ടെത്തല്‍.


താറാവുകള്‍ വെള്ളത്തില്‍ നീന്തുകയാണെങ്കില്‍ ജലത്തിലെ ഓക്‌സിജന്‍ നില യാന്ത്രികമായി വര്‍ദ്ധിക്കും. ഇത്(ഓക്‌സിജന്‍) റീസൈക്കിള്‍ ചെയ്യപ്പെടുകയും ചെയ്യും. ഇതിലൂടെ വെള്ളത്തിലെ മത്സ്യങ്ങള്‍ക്ക് കൂടുതല്‍ ഓക്‌സിജന്‍ ലഭിക്കും. പ്രകൃതിസൗന്ദര്യം വര്‍ധിപ്പിക്കുവാനും ഗ്രാമീണ സമ്പദ് വ്യവസ്ഥയെ ശക്തിപ്പെടുത്താനകുമെന്നാണ് ബിപ്ലബ് പറയുന്നത്. നീര്‍മഹലിനടുത്തുള്ള രുദ്രസാഗര്‍ തടാകത്തില്‍ വള്ളംകളി ഉദ്ഘാടനം ചെയ്യാനെത്തിയതായിരുന്നു അദേഹം. പക്ഷികള്‍ വെള്ളത്തില്‍ കാഷ്ഠിക്കുന്നതും നല്ലതാണ്. ഇത് മത്സ്യങ്ങള്‍ പെട്ടെന്ന് വളരുന്നതിന് ഇടയാക്കുമെന്നുമാണ് ബിപ്ലവ് കുമാറിന്റെ അവകാശവാദം. ആദ്യമായിട്ടല്ല ഇദ്ദേഹം ഇങ്ങനെയുള്ള കാര്യങ്ങള്‍ പറയുന്നത്. അതുകൊണ്ട് കേരളത്തിലെ ട്രോളന്‍മാരെ സംബന്ധിച്ച് ബിപ്ലബ് കുമാര്‍ ഒരു ചാകരയാണ്. എന്നാല്‍ ഇതേ സമയത്ത് തന്നെയാണ് പെട്രോള്‍, ഡീസല്‍ വില കുതിച്ച് കയറിയതും. ആ വാര്‍ത്ത മുക്കാന്‍ വേണ്ടി ബിപ്ലബ് മനപ്പൂര്‍വ്വം മണ്ടത്തരം വിളമ്പുന്നതാണെന്ന് വരെ ട്രോളന്‍മാര്‍ കണ്ടെത്തുന്നുണ്ട്.

Social media trolls on mocking biplab kumars duck oxygen comment.