പുണ്യഭൂമിയായ കന്യാകുമാരി

അറബിക്കടലും ഇന്ത്യന്‍ മഹാസമുദ്രവും ബംഗാള്‍ ഉള്‍ക്കടലും ഒന്നിക്കുന്ന പുണ്യഭൂമിയാണ് കന്യാകുമാരി

ഇന്ത്യയുടെ തെക്കേ അറ്റത്തെ മുനമ്പാണ് കന്യാകുമാരി എന്ന സവിശേഷതയുമുണ്ട്. കടലില്‍ രണ്ട് കൂറ്റന്‍ പാറകളില്‍ പണിതുയര്‍ത്തിയിട്ടുള്ള വിവേകാനന്ദ സ്മാരകവും തിരുവള്ളുവര്‍ പ്രതിമയും സന്ദര്‍ശകരില്‍ വിസ്മയവും പ്രാര്‍ത്ഥനയും ഉണര്‍ത്തുന്നു.ശുചീന്ദ്രം ക്ഷേത്രം, മണ്ടയ്ക്കാട് ദേവീ ക്ഷേത്രം,പ്രശസ്തമായ നാഗര്‍ ക്ഷേത്രം, കുമാര കോവില്‍ എന്നീ പുണ്യ ക്ഷേത്രങ്ങളും കന്യാകുമാരിയിലാണ്.
. അവിടെ നിന്ന് 20 കിലോ മീറ്റര്‍ അകലെയാണ് പണ്ടത്തെ തിരുവിതാംകൂറിന്റെ തലസ്ഥാനമായിരുന്ന പത്മനാഭപുരം. അവിടത്തെ കൊട്ടാരവും വട്ടക്കോട്ടയും ഉദയഗരിക്കോട്ടയും പഴയ രാജഭരണ കാലത്തെ സ്മരണകള്‍ ഉണര്‍ത്തുമാറ് നിലകൊള്ളുന്നു. തൃപ്പരപ്പ് വെള്ളച്ചാട്ടമുണ്ട്. ജൈന ക്ഷേത്ര സങ്കേതമായിരുന്ന ചിതറാല്‍ സന്ദര്‍ശകരെ ആകര്‍ഷിക്കുന്നുണ്ട്.കരയില്‍ നിന്ന് 400 മീറ്റര്‍ അകലെ കടലിലുള്ള പാറയിന്മേലാണ് വിവേകാനന്ദ സ്മാരകവും തിരുവള്ളുവര്‍ പ്രതിമയും. ഇവിടേക്ക് കരയില്‍ നിന്ന് ബോട്ടില്‍ ചെല്ലാം. 20 രൂപ ടിക്കറ്റ് ഫീസ്. വിവേകാനന്ദ സ്മാരകത്തില്‍ കയറാന്‍ 10 രൂപ ഫീസ് പാറയിലെ ഓഫീസിലും നല്‍കണം. 1892 ഡിസംബര്‍ 25, 26, 27 തീയതികളില്‍ സ്വാമി വിവേകാനന്ദന്‍ കടല്‍ നീന്തി ഈ പാറയില്‍ എത്തി ധ്യാനിച്ചു എന്നാണ് കരുതപ്പെടുന്നത്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Kanyakumari: a holy place.