എല്‍.ഇ.ഡി പ്രഭയില്‍ ദക്ഷിണ റെയില്‍വേ

പ്രതിവര്‍ഷം ലാഭിക്കാനൊരുങ്ങുന്നത് 6 കോടി

എല്‍.ഇ.ഡി ലൈറ്റുകളുപയോഗിച്ച് ദക്ഷണ റെയില്‍വേ ലാഭിക്കാനൊരുങ്ങുന്നത് പ്രതിവര്‍ഷം 6 കോടി.ദക്ഷിണ റെയില്‍വേയുടെ കീഴിലുള്ള 714 സ്റ്റേഷനുകളിലും എല്‍.ഇ.ഡി. ലൈറ്റുകള്‍ സ്ഥാപിച്ചതിലൂടെയാണ് ഈ ലാഭം കൈവരിക്കുകയെന്ന് പ്രകടനരേഖ വ്യക്തമാക്കുന്നു. റെയില്‍വേ സ്റ്റേഷനുകള്‍ക്കുപുറമേ ഇതരസേവനങ്ങള്‍ക്കുള്ള 603 കെട്ടിടങ്ങളിലും എല്‍.ഇ.ഡി. പ്രകാശമെത്തിച്ചു. സ്റ്റേഷനുകളിലെ സൗരോര്‍ജ ഉത്പാദനത്തിലൂടെ വര്‍ഷത്തില്‍ 79.8 ലക്ഷം യൂണിറ്റ് വൈദ്യുതി ലാഭിക്കും. കഴിഞ്ഞ സാമ്പത്തികവര്‍ഷം 207 കിലോവാട്ട് ഉത്പാദിപ്പിക്കാന്‍ കഴിയുന്ന സൗരോര്‍ജ പാനലുകള്‍ വിവിധ സ്ഥലങ്ങളില്‍ സ്ഥാപിച്ചതോടെ മൊത്തം ഉത്പാദനക്ഷമത 402.45 കിലോവാട്ടായി ഉയര്‍ന്നു.

ഇതടക്കം സുരക്ഷയ്ക്ക് മുന്‍തൂക്കം നല്‍കുന്ന നിരവധി പദ്ധതികളും പ്രകടന രേഖയിലുണ്ട്.

Subscribe to News60 :https://goo.gl/VnRyuF
Read: http://www.news60.in/
https://www.facebook.com/news60ml/

LED lights in railway stations: SR to have annual profit of Rs 6 cr.