ബഹിരാകാശത്തും പച്ചക്കറി കൃഷി ?


അന്റാര്‍ട്ടിക്കയിലെ വിളവെടുപ്പില്‍ പ്രതീക്ഷയുമായി ഭൗമശാസ്ത്രജ്ഞര്‍


ദക്ഷിണധ്രുവത്തിലെ മഞ്ഞുമൂടിയ ഭൂഖണ്ഡമായ അന്റാര്‍ട്ടിക്കയിലും കൃഷി വിളഞ്ഞതോടെ പ്രതീക്ഷയിലാണ് ഭൗമശാസ്ത്രജ്ഞര്‍. ബഹീരാകാശ ഗവേഷണ രംഗത്ത് നിര്‍ണ്ണായക കാല്‍വെയ്പ്പായാണ് അന്റാര്‍ട്ടിക്കയിലെ കൃഷിയെ ശാസ്ത്രലോകം കാണുന്നത്. ബഹീരാകാശത്തുള്‍പ്പടെ കൃഷിചെയ്യാന്‍ ഈ ദൗത്യം ശാസ്ത്രജ്ഞര്‍ക്ക് തുണയാകും. ജര്‍മനിയില്‍ നിന്നുള്ള ശാസ്ത്രജ്ഞരാണ് അന്റാര്‍ട്ടിക്കയിലെ അവരുടെ ഗവേഷണകേന്ദ്രമായ ന്യൂമയര്‍ സ്റ്റേഷനിലെ ഗ്രീന്‍ഹൗസില്‍ പച്ചക്കറികള്‍ ഉല്‍പ്പാദിപ്പിച്ചത്. കൊടുംതണുപ്പുമൂലം കൃഷി ദുഷ്‌കരമായ അന്റാര്‍ട്ടിക്കന്‍ സാഹചര്യങ്ങളില്‍ പ്രത്യേക സംവിധാനങ്ങളോടെയാണ് കൃഷി ആരംഭിച്ചത്. വിളവെടുപ്പില്‍ മൂന്നര കിലോ കാബേജ്, 70 മുള്ളങ്കി, 18 വെള്ളരിക്ക എന്നിവ ശാസ്ത്രജ്ഞര്‍ക്ക് ലഭിച്ചു. പദ്ധതി വിജയമായതോടെ ജര്‍മ്മന്‍ എയ്‌റോസ്‌പേസ് സെന്ററിലെ ശാസ്ത്രജ്ഞര്‍ ഇവിടെ ഒരു ഹൈട്ക് ഫാം നിര്‍മ്മിക്കാനൊരുങ്ങുകയാണ്.

Subscribe to News60 :https://goo.gl/VnRyuF
Read: http://www.news60.in/
https://www.facebook.com/news60ml/

Antarctic Greenhouse's First Harvest Is a Good Sign For Space Farmers.