മുംബൈ - താനെ താണ്ടാന്‍ 250 രൂപ

ഇന്ത്യയിലെ ആദ്യ ബുള്ളറ്റ് ട്രെയിന്റെ യാത്രാ നിരക്കുകള്‍

ഇന്ത്യയിലെ ആദ്യ ബുള്ളറ്റ് ട്രെയിനില്‍ ബാന്ദ്രയില്‍ നിന്ന് താനെ വരെയെത്താന്‍ ചിലവാകുക 250 രൂപ. ബാന്ദ്ര കുര്‍ള കോംപഌ്‌സില്‍ നിന്ന് പുറപ്പെടുന്ന ബുള്ളറ്റ് ട്രെയിനിന്റെ ആദ്യ സ്റ്റോപ്പാണു താനെ. ഇവിടേക്കുള്ള ടാക്‌സി യാത്രയ്ക്ക് ഏതാണ്ട് 650 രൂപ വേണ്ടിവരും. എന്നാല്‍ വെറും 15 മിനിറ്റുകൊണ്ട് 250 രൂപയ്ക്കു ബുള്ളറ്റ് ട്രെയിനില്‍ താനെയില്‍ എത്താം. 2022ല്‍ പ്രവര്‍ത്തനമാരംഭിക്കാന്‍ ലക്ഷ്യമിടുന്ന മുംബൈ അഹമ്മദാബാദ് ബുള്ളറ്റ് ട്രെയിനിന്റെ യാത്രാനിരക്കുകള്‍ സംബന്ധിച്ച് ഊഹാപോഹങ്ങള്‍ പലതുണ്ടായിരുന്നെങ്കിലും ആദ്യ ഔദ്യോഗിക സൂചന ഇപ്പോഴാണ് പുറത്തു വന്നത്. ബുള്ളറ്റ് ട്രെയിനിലെ സാധാരണ കോച്ചുകളിലെ യാത്രാനിരക്ക് 250 - 3000 രൂപ നിരക്കില്‍ ആയിരിക്കുമെന്നു നിര്‍മാണ ചുമതലയുള്ള നാഷനല്‍ ഹൈ സ്പീഡ് റെയില്‍ കോര്‍പറേഷന്‍ (എന്‍എച്ച്എസ്ആര്‍സിഎല്‍) മാനേജിങ് ഡയറക്ടര്‍ അച്ചാല്‍ ഖരെ ഡല്‍ഹിയില്‍ പറഞ്ഞു.

Subscribe to News60 :https://goo.gl/VnRyuF
Read: http://www.news60.in/
https://www.facebook.com/news60ml/

India's First Mumbai-Ahmedabad Bullet Train Terminal Will Have Dandi March Theme.