യോഗി കാവിമുക്കി..._BSP നീലയടിച്ചു...!!!

യോഗി സര്‍ക്കാര്‍ കാവിമുക്കിയ അംബേദ്കര്‍ പ്രതിമയ്ക്ക് നീല നിറമടിച്ച് ബിഎസ്പി നേതാവ്‌



യു.പിയിലെ ബദയൂണ്‍ ജില്ലാ ഭരണകൂടമാണ് തകര്‍ക്കപ്പെട്ട അംബേദ്കര്‍ പ്രതിമയ്ക്ക് പകരം കാവി നിറത്തിലുള്ള അംബേദ്കര്‍ പ്രതിമ സ്ഥാപിച്ച് രംഗത്തെത്തിയിരിക്കുന്നത്. അംബേദ്കറുടെ പേരിനൊപ്പം 'റാംജി' എന്ന് കൂട്ടിച്ചേര്‍ത്ത നടപടി വിവാദമായതിനു പിന്നാലെയാണ് പുതിയ സംഭവം. ദുഗ്രൈയ്യ ഗ്രാമത്തില്‍ സ്ഥാപിച്ചിരുന്ന അംബേദ്കര്‍ പ്രതിമ വെള്ളിയാഴ്ച രാത്രി ചിലര്‍ തല്ലിത്തകര്‍ത്തിരുന്നു. പൊലീസും നാട്ടുകാരും നോക്കിനില്‍ക്കെയായിരുന്നു സംഭവം.സംസ്ഥാനത്തെ കെട്ടിടങ്ങള്‍ക്കും ബസുകള്‍ക്കും കാവി പെയിന്റടിച്ചതിനു പിന്നാലെയാണ് അംബേദ്കറിനും യു.പി സര്‍ക്കാര്‍ കാവി നിറം നല്‍കിയത്.കഴിഞ്ഞദിവസം പുതിയ പ്രതിമ അനാച്ഛാദനം ചെയ്തപ്പോഴാണ് കാവി നിറത്തിലുള്ള കോട്ടണിഞ്ഞ അംബേദ്കര്‍ രൂപം പ്രത്യക്ഷപ്പെട്ടത്. സാധാരണഗതിയില്‍ അംബേദ്കര്‍ പ്രതിമകളില്‍ നീല നിറമാണ് ഉപയോഗിക്കാറുള്ളത് എന്നിരിക്കെയാണ് കാവി നിറത്തിലുള്ള പ്രതിമയുമായി യു.പി ഭരണകൂടം രംഗത്തെത്തിയത്.സംഭവത്തിനെതിരെ വ്യാപക പ്രതിഷേധം ഉയര്‍ന്നു വന്നിട്ടുണ്ട്. ബി.ജെ.പി നയിക്കുന്ന സംസ്ഥാന സര്‍ക്കാര്‍ സര്‍വതിനെയും കാവിവത്കരിക്കുകയാണെന്ന് സമാജ് വാദി പാര്‍ട്ടി എം.എല്‍.എയും പാര്‍ട്ടി വക്താവുമായ സുനില്‍ സിങ് ആരോപിച്ചു.

Subscribe to News60 :https://goo.gl/VnRyuF
Read: http://www.news60.in/
https://www.facebook.com/news60ml/

After ‘Ramji’, now a saffron statue of Dr Ambedkar in UP.