ബീജത്തിനും വേണം കമ്മ്യൂണിസം

ചൈനയില്‍ ബീജദാനത്തിന് കമ്മ്യൂണിസം നിര്‍ബന്ധം

ചൈനയില്‍ ബീജം ദാനം ചെയ്യണമെങ്കില്‍ അടിയുറച്ച കമ്മ്യൂണിസ്റ്റുകാരനായിരിക്കണമെന്ന് നിബന്ധന. ചൈനയിലെ പീക്കിങ് സര്‍വകലാശാലയുടെ ഭാഗമായുള്ള ആശുപത്രിയിലെ ബീജദാന ബാങ്കാണ് ഈ വിചിത്രമായ നിര്‍ദേശം പുറപ്പെടുവിച്ചത്. കഴിഞ്ഞ ദിവസമാണ് ഇവര്‍ പ്രവര്‍ത്തനം ആരംഭിച്ചത്. ആശുപത്രിയുടെ സര്‍ക്കുലര്‍ പ്രകാരം ബീജം ദാനം ചെയ്യാനുള്ള നിബന്ധനകള്‍ ഇവയെല്ലാമാണ്. ദാതാവിന് ജനിതകസാംക്രമിക രോഗങ്ങള്‍ ഉണ്ടാവാന്‍ പാടില്ല. അതിനൊപ്പം ആശയപരമായി ഉറച്ചബോധവും ഉണ്ടായിരിക്കണം. മാതൃരാജ്യത്തോട് സ്‌നേഹമുള്ള, കമ്യൂണിസ്റ്റ് പാര്‍ട്ടി നേതൃത്വത്തെ അംഗീകരിക്കുന്ന, രാജ്യത്തെ നിയമങ്ങള്‍ അനുസരിക്കുന്ന, രാഷ്ട്രീയവിവാദങ്ങളില്‍പ്പെടാത്ത 20നും 45നും മധ്യേ പ്രായമുള്ള വ്യക്തിയാവണം ദാതാവ് എന്നാണ് നോട്ടീസില്‍ പറയുന്നത്.നവമാധ്യമങ്ങളില്‍ വ്യാപകമായി പ്രചരിച്ചതോടെ ആശുപത്രി അധികൃതര്‍ ഈ സര്‍ക്കുലര്‍ നീക്കം ചെയ്തതായാണ് റിപ്പോര്‍ട്ട്.

Subscribe to News60 :https://goo.gl/VnRyuF
Read: http://www.news60.in/
https://www.facebook.com/news60ml/

China sperm bank demands Communist Party loyalty from donors.