കേരളത്തിന്റെ സ്വന്തം 'ലാപ്‌ടോപ്പ്'..!!


കേരള ബ്രാന്‍ഡില്‍ ലാപ്‌ടോപ്പ് പുറത്തിറക്കാനൊരുങ്ങി സര്‍ക്കാര്‍

സംസ്ഥാനത്തിന്റെ സ്വന്തം ലാപ്‌ടോപ്പിനായി കെല്‍ട്രോണിന്റെ നേതൃത്വത്തില്‍ മുന്നൊരുക്കങ്ങള്‍ ഉടന്‍ തുടങ്ങുമെന്ന് സര്‍ക്കാര്‍ പ്രതിനിധികള്‍ വ്യക്തമാക്കി. ലാപ്‌ടോപ്പും സെര്‍വറും കേരളത്തില്‍ തന്നെയായിരിക്കും നിര്‍മിക്കുക.കഴിഞ്ഞ ദിവസം ചേര്‍ന്ന മന്ത്രിസഭായോഗം പൊതു - സ്വകാര്യ പങ്കാളിത്തത്തോടെ കമ്പനി രൂപീകരിക്കാനുള്ള ഉത്തരവ് പുറപ്പെടുവിച്ചിരുന്നു.തുടക്കത്തില്‍ 30 കോടി രൂപയാണ് മുതല്‍മുടക്ക് കണക്കാക്കുന്നത്..ഇലക്ട്രോണിക് ഹാര്‍ഡ്വെയര്‍ ഹബ്ബാക്കി കേരളത്തെ മാറ്റാനാണ് സര്‍ക്കാരിന്റെ പദ്ധതി.പദ്ധതിയ്ക്കായി ഇന്റല്‍, യുഎസ്ടി ഗ്ലോബല്‍ തുടങ്ങിയ കമ്പനികളുടെ സഹകരണം ഉറപ്പാക്കിയിട്ടുണ്ട്. കെല്‍ട്രോണിന് 26 ശതമാനം ഓഹരി പങ്കാളിത്തമായിരിക്കും ഉണ്ടാകുക.തുടക്കത്തില്‍ ഇറക്കുമതി ചെയ്ത ഘടകങ്ങള്‍ കൂട്ടിച്ചേര്‍ത്തായിരിക്കും ലാപ്‌ടോപ്പിന്റെ നിര്‍മാണം.ആറുമാസത്തിനകം ഇത്തരത്തല്‍ ലാപ്‌ടോപ്പുകള്‍ പുറത്തിറക്കാനാകുമെന്നാണ് പ്രതീക്ഷ. കമ്പനി രൂപീകരണത്തോടൊപ്പം ബ്രാന്‍ഡ് നാമം, വിപണനം തുടങ്ങിയ കാര്യങ്ങളിലും തീരുമാനമാകും.
രണ്ടു വര്‍ഷത്തിനകം സ്വന്തം നിലയില്‍ ലാപ്‌ടോപ്പ് നിര്‍മിക്കാന്‍ കമ്പനിയെ പ്രാപ്തമാക്കുകയാണ് ലക്ഷ്യം. ഇതിനു ശേഷം സെര്‍വര്‍ നിര്‍മാണത്തിലും കമ്പനി ശ്രദ്ധ കേന്ദ്രീകരിക്കും.

Subscribe to News60 :https://goo.gl/VnRyuF
Read: http://www.news60.in/
https://www.facebook.com/news60ml/

Kerala aims to build laptops.