ക്യാന്‍സറിന് വാക്‌സിന്‍...ഉടന്‍ രോഗികള്‍ക്ക്...!!!

ക്യാന്‍സറിനെ പ്രതിരോധിക്കാന്‍ വാക്സിന്‍; എലികളില്‍ പരീക്ഷണം വിജയകരം




കാന്‍സറിനെതിരെ ഫലപ്രദമായ വാക്സിന്‍ വികസിപ്പിച്ചതായി സ്റ്റാന്‍ഫോഡ് യൂണിവേഴ്സിറ്റിയിലെ ഗവേഷകര്‍. എലികളില്‍ നടത്തിയ പഠനത്തില്‍ 97 ശതമാനത്തോളം ട്യൂമര്‍ ഭേദമായതാണ് പഠനം. കാര്യമായ പാര്‍ശ്വഫലങ്ങളില്ലാത്ത പുതിയ വാക്സിനിലൂടെ കീമോതെറാപ്പി ഒഴിവാക്കാനാവുമെന്നാണ് ഗവേഷക സംഘം പറയുന്നത്.
ചെറിയ പനി ഒഴിച്ചു നിര്‍ത്തിയാല്‍ മറ്റ് ദീര്‍ഘകാല പാര്‍ശ്വഫലങ്ങളുണ്ടാവില്ലെന്നാണ ഗവേഷകരുടെ വാദം.ചെറിയ സമയത്തേക്ക് പ്രതിരോധ സംവിധാനത്തെ ത്വരിതപ്പെടുത്തി ട്യൂമറിനെ ആക്രമിക്കുകയാണ് വാക്സിനിന്റെ രീതി.എല്ലാ തരം ക്യാന്‍സറിനും വാക്സിന്‍ ഫലപ്രദമാവില്ല. ചിലതരം രക്താര്‍ബുദത്തിനെതിരെ മാത്രമേ വാക്സിന്‍ ഉപയോഗിക്കാനാവൂ.
സ്റ്റാന്‍ഫോഡ് യൂണിവേഴ്സിറ്റിയിലെ ഗവേഷകന്‍ ഡോ. റൊണാള്‍ഡ് ലെവിയുടെ നേതൃത്വത്തിലാണ് ഗവേഷണം നടന്നത്. ഈ വര്‍ഷം തന്നെ മനുഷ്യരില്‍ പരീക്ഷണം ആരംഭിക്കുമെന്ന് ഗവേഷക സംഘം അറിയിച്ചു. രണ്ട് തരം പഠനങ്ങളാണ് പ്രധാനമായും നടക്കുക. 35 പേരടങ്ങുന്ന ലിംഫോമ ബാധിതരിലാണ് ആദ്യം പരീക്ഷിക്കുക. ഓരോ രോഗിക്കും ചെറിയ അളവില്‍ റേഡിയേഷനൊപ്പം രണ്ട് റൗണ്ട് വാക്സിനും നല്‍കിയാണ് പരീക്ഷണം.രോഗികളുടെ പ്രായം വാക്സിനേഷനിടയിലുള്ള സമയം തുടങ്ങിയ വിവരങ്ങളൊന്നും ഗവേഷകര്‍ പുറത്ത് വിട്ടിട്ടില്ല.

Subscribe to Anweshanam :https://goo.gl/uhmB6J

Get More Anweshanam
Read: http://www.Anweshanam.com/
Like: https://www.facebook.com/Anweshanamdotcom/
https://www.facebook.com/news60ml/
Follow: https://twitter.com/anweshanamcom

Cancer vaccine cures 97% of mice with tumors; human testing soon.